Job 42 - Kalin Apo Dios

¹ Siya na nan songbat Job isnan apo,

² “apo, getkek ay sik-a et maikkam nan am-in ya maid makaipasaldeng isnan epdasmo ninemnem ay ikkan.

³ Sinootmo no sinowak ay maid nemnemna ay menkalkali is maid silbina. Owen, sak-en nan aped menkalkali isnan adiyak maaw-awatan ya nan maipanggep isnan nakaskasdaaw ay inik-ikkam ay adiyak getken.

⁴ Et kinwanim en dengngek nan kankanam ta padasek ay mangsongbat isnan sootmo.

⁵ Id kasin et dindinngek nan maipanggep ken sik-a et kedeng. Ngem id wani et ostoosto ay maawatak dadlo

⁶ isonga mabainak isnan kinkinwanik ya pilmi ay menbabawiyak et siya nan gapo ay mokomokak et nan awakko is tapok ya dapo ay mang-ipaila isnan babawik.”