Jeremias 45 - Kalin Apo Dios

Nan Inkalin Apo Dios Ken Baruc 45:1-5

¹ Isnan maikap-at ay tew-en ay kaalin Jehoyakim ay anak Josias id Juda et insolat Baruc ay anak Nerias nan inpasolat Jeremias ken siya. Kinwanin Jeremias ken Baruc en,

² “Nan apo ay Dios di Israelita et kinwanina en, ‘Baruc,

³ kankanam en kaseseg-angka tay tinapiyak nan ligatmo ya nabannobannog et nan awakmo ay men-ikalokalo dapay maid kayet tomalnaam.’

⁴ Ngem sak-en ay apo nan mangwani en bakasek nan sinaadko dakpay gaboten nan inis-ekko et siya nan awnitak ikkan isnan batawa.

⁵ Isonga adika koma men-an-anap is gawis ay maikkan ken sik-a tay awnitak paligaten am-in ay ipogaw ngem sik-a et adika matey isnan olay into ay omayam. Sak-en ay apo nan ninkali.”