Jeremias 32 - Kalin Apo Dios

³⁶ Dat kasin kanan nan apo ay Dios di Israelita en, “Olay no kankanan nan ipogaw en awnit maabak nan naay ili isnan kabaelan nan alin di Babilonia isnan gobat, owat ya sakit

³⁷ ngem awnitko kayet ayagan nan ipogawko ay inwakatko isnan il-ili ay nangiwakatak gapo is ligetko ta isagongko daida ta menteeda isna ay maid iyeg-egyatda.

³⁸ Et awnit daida nan ipogawko dapay abes sak-en nan Diosda.

³⁹ Esaek nan nemnemda ta sak-en nan patpatgenda ay eng-enggana ta gawis nan biyagda ya nan biyag di aan-akda ya aap-oda is kasin.

⁴⁰ Ya makitolagak ken daida is tolag ay eng-enggana. Adiyak salsaldengan ay men-ik-ikkan is gawis ken daida ya isolowak daida ta sak-en nan patpatgenda tapno adida dokdokogan sak-en.

⁴¹ Men-gasgasingak isnan mang-ik-ikkanak is gawis ken daida ya isnan am-in ay kabaelak et eestek daida ta menteeda ay eng-enggana isnan naay daga.”