Jeremias 17 - Kalin Apo Dios

Nan Napateg Ay Pamagbaga 17:5-10

⁵ Dat kasin kanan nan apo en, “Awnitak pabasolen ya dosaen nan ipogaw ay mangdokog ken sak-en ya aped mentaltalek isnan pigsan di ipogaw.

⁶ Kanegna nan aas ay tomobo isnan naaango ay lota ay adi kasiken. Kanegna di tay maid et namnamana et maid gawis is ommat ken siya ya maid silbina.

⁷ Ngem bindisyonak nan ipogaw ay mentalek ken sak-en.

⁸ Et kanegna nan kaiw ay tinmobo isnan sag-en di danom ay mallos nan lamotna isnan danom. Et adi omegyat isnan timpon di tiyagew ay menpoos tay adi kaango nan tobona ya adi madanagan tay olay no adi omod-odan et adi somaldeng ay menbegbegas.

⁹ Maid polos makaawat isnan nemnem di ipogaw tay nalaka ay maal-allilaw ya pilmi nan kangawina.

¹⁰ Ngem kedkedengak ay apo isnan mangtek isnan am-in ay nemnemnemen di ipogaw isonga sak-en nan mangsobalit isnan tonggal esa ken daida isnan kaneg nan inik-ikkanda.”