Isaias 58 - Kalin Apo Dios

Nan Osto Ay Ikkan Nan Mentepe 58:1-12

¹ Dat kanan nan apo, “Ibogawmo isnan am-in ay pigsam ta ipagtekmo isnan ipogaw di Israel nan basbasolda.

² Winakgat ay mangdaydayawda kano dadapay kanan en tongpalenda nan lintegko ya ikkanda nan gawis. Apedda pay dawaten en agtak daida is osto ay linteg ta magasinganda kano ay mangdaydayaw ken sak-en.

³ Dadat sooten en, ‘Ayta dakamin aped menteptepe no adim ikaskaso dakami? Damin aped ibaba nan awakmi dapay adim patgen nan ikkanmi?’ ” Ngem kanak en, “Nan kinatet-ewana et no mentepe kayo et an-anapenyo nan pagawisanyo dakayopay aamisen nan paob-oblaenyo.

⁴ No menteptepe kayo et somokil kayo met tay kasasanape kayo ya mensisinogto kayo. Ay kananyo en nan kaneg tona ay panagtepe et dengngek nan lowaloyo?

⁵ No mentepe kayo et apedyo paligligaten nan aw-awakyo tay menyodong kayo ay kaneg nan logam dakayopay iyaplag nan sako dakayopay pay-an is dapo nan pagseyseyepanyo. Ay siya di nan kananyo en ikkan di mentepe? Waay kananyo en seg-angak dakayo no kaneg todi nan ikkanyo.

⁶ Ngem baken di is laydek nodi nan kaytek ay ikkan di mentepe et kaanenyo nan mang-aamisanyo isnan ib-ayo dakayopay badangan nan makasapol is badang.

⁷ Ibingayanyo nan maid kanenda ya padag-osenyo isnan bab-aeyyo nan kodo ay maid baeyda dakayopay badowan nan maid badoda ya badanganyo nan kabagyanyo.

⁸ No ikkanyo dana et awnit kaneg nan agew isnan wakgawagat nan idyak ay mangsilaw ken dakayo et gomawis kayo. Daet awnitak wawawawada ay mang-isalakan ken dakayo. Nan kawad-ak ken dakayo nan mangsalsalaknib ken dakayo isnan am-in ay naliliwes.

⁹ Et no menlowalo kayo et idngek nan lowaloyo ya no mendawat kayo et idyak nan dawatyo. No isaldengyo nan mang-aamisanyo isnan iib-ayo, isnan mang-ipail-il-anyo isnan ligetyo ya mangtaytayoktokanyo ken daida

¹⁰ ya no ag-agtanyo nan naoowat dakayopay idya nan masapol di makasapol et awnit pomat-a ay kaneg kag-aw nan mangliliwes ken dakayo ay bolinget.

¹¹ Awnit kanayon ay iwanwanedko dakayo dakpay idya nan ganagwis ay mapnekanyo. Awnitak papigsaen ya pagawisen dakayo. Maidilig kayo isnan payew ay menbala ay adi polos katkatdok.

¹² Awnit esten nan ipogawyo nan nabayag ay nabakas ay ili dadat kasin omipatakdeg issan sigod ay makneg ay pegnad. Et awnit makwani kayo en ipogaw ay nang-eset isnan nabakas ya kasin nangpatakdeg isnan natokang ay baey.”