Isaias 52 - Kalin Apo Dios

Nan Omaliyan Nan Mang-ibaga Isnan Gawis Ay Damag 52:7-10

⁷ Kagagasing ay mang-ila isnan bilig isnan omaliyan nan mang-ibaga isnan gawigawis ay damag tay ibagana nan talna tay wada nan mang-isalakan isnan ipogaw. Danat kanan ken Sion en, “Mentolay nan Diosyo.”

⁸ Nan mangbanbantay isnan il-ili et menbogbogawda am-in is gasingda. Iilaenda isnan mismo ay matada nan somagongan nan apo id Sion.

⁹ Dakayo ay nabakas ay il-ilin nan Jerusalem, ibogawyo nan gasingyo tay isalakan nan apo nan ilina danapay ay-ayowen nan ipogawna.

¹⁰ Osalen nan apo nan nadiosan ay panakabalina ay mang-isalakan isnan ipogawna et awnit ilaen nan am-in ay ipogaw isnan batawa.

Nan Baan Apo Dios Nan Manglak-am Isnan Ligat Tako 52:13—53:12

¹³ Dat kanan nan apo, “Awnit tongpalen nan baak nan oblana et awnit maingato ya maidayaw siya.

¹⁴ Ado nan ipogaw ay nasngang isnan nang-il-anda tay inmasiasi ay kaneg baken ipogaw nan ilana.

¹⁵ Ngem id wani et adoado nan il-ili ay masdaaw ken siya ya adi makakali nan aali gapo tay nasngangda. Nan egay nangdenge isnan maipanggep ken siya et awnitda ilaen siya ya awnitda maawatan nan maipanggep ken siya.”