Isaias 50 - Kalin Apo Dios

Patiyen Nan Baan Apo Dios Siya 50:4-9

⁴ Initdon nan apo ay kangatowan nan kanak tapno papigsaek nan nabbay. Winakgat ay paganatena sak-en ay mangdenge isnan itdona.

⁵ Inagtan nan apo ay kangatowan sak-en is panakaawat et egayak nakisapsape ya dinokdokogan siya.

⁶ Inpalobosko ay saplitenda nan edegko ya egayko pinasaldeng daida isnan nangbab-ainanda ken sak-en ya binaybay-ak ay gabotenda nan omengko dadapay tobaan nan angasko.

⁷ Ngem nan mangpabab-ainanda ken sak-en et egayak kaokos tay badbadangan nan apo ay kangatowan sak-en. Pinasesedek nan angasko tapno maitoledko nan ik-ikkanda ken sak-en tay gegetkek ay awnitak adi mabainan

⁸ tay naisasag-en si Apo Dios et awnitna ipaila ay maid basolko. Ay waday makaitoled is mang-idalom ken sak-en? No wada ta omey kami isnan pag-okoman ta ibagana nan dalomna ken sak-en.

⁹ Nan apo ay kangatowan nan mismo ay mangsalaknib ken sak-en. Sino pay ngalod di mangpaneknek en ninbasolak? Tay awnit mamaid am-in nan mangpabpabasol ken sak-en ay kaneg nan galot ay nginitngingitngitan di ataming.