Isaias 41 - Kalin Apo Dios

Idngen Apo Dios Nan Dawat Nan Ipogawna 41:17-20

¹⁷ “No men-an-anap nan ipogawko is danom ya maango nan ayokookda is ewewda dat sak-en ay apo et idngek nan dawatda tay sak-en ay Dios di Israel et adiyak baybay-an daida.

¹⁸ Awnitko paayosen nan danom isnan naango ay bilbilig daket pawad-en nan menbala ta men-ayosda isnan nadadata ya mawada nan posposong isnan pondag.

¹⁹ Daket abes patobowen nan kak-aiw isnan pondag ay kaneg nan akasia, olibo, batang ya nan tap-in di nateketeken ay kak-aiw. Isnan daga ay maid makatobo et awnit menbalin ay mapagpag

²⁰ tapno no ilaen nan ipogaw dana et getkenda ay sak-en ay apo nan nang-ikkan et maawatanda ay nan tet-ewa ay Dios di Israel nan nang-ikkan is dana.”