Habakuk 2 - Kalin Apo Dios

Nan Kinwanin Nan apo Ken Habakuk 2:1-4

¹ “Maid polos teken is nemnemnemek nodi an-anosak ay mangseseed isnan awnit kanan nan apo maipanggep nan inlilik ya no ngan nan awnitko kanan ken siya.

² Naay nan kinwanin nan apo ken sak-en, ‘Isolatmo ay osto isnan nadadampig ay bato nan kanak tapno nalaka ay mabasa.

³ Isolatmo gapo tay baken pay laeng id wani is timpo ay ommatana. Ngem nganngani et nan ommatan nan inpagtekko ken sik-a. Isonga olay no kaneg mabayag nan omdanana ngem sed-em tay awnit tet-ewa ommat ay adi mataktak.’

⁴ Siya na nan inpadamagna. ‘Nan managdakdakes et awnitda adi matagotago. Ngem nan nalinteg et daida nan matago ay enggana gapo isnan pammatida ken Apo Dios.’ ”