Ezekiel 39 - Kalin Apo Dios

Nan Nang-ipasagongan Apo Dios Isnan Ipogawna Isnan Ilida 39:21-29

²¹ Dat kanan nan apo en, “Awnitak ipaila nan kinangatok isnan am-in ay il-ili dakpay ipaila nan mang-osalak isnan panakabalinko ay mang-ibanag isnan nalinteg ay nemnemko.

²² Et siya et nan panggetkan nan Israelita ay sak-en nan apo ay Diosda.

²³ Et siya gedan nan manggetkan di kaipoipogaw ay nan Israelita et naikaanda ay kaneg balod gapo isnan basolda ken sak-en. Binaybay-ak daida ya inpalobosko ay abaken nan bosoda daida dadapay pateyen daida isnan gobat.

²⁴ Inidyak ken daida nan ganabenda isnan kinalogitda ya kinakedseda dakpay baybay-an daida.

²⁵ Ngem sak-en ay kangatowan ay apo et naay nan kanak id wani. Id wani et seg-angak nan ap-on Jacob ay Israelita ta pagawisek kasin nan kabibiyagda. Salaknibak nan napateg ay ngadanko.

²⁶ No menteteeda et kasin ay menlamlamnin isnan dagada ya maid mang-eg-egyat ken daida et awnitda et kalingkingan nan naibabainanda gapo is nangdokoganda ken sak-en.

²⁷ Awnitko ikaan nan ipogawko isnan il-ili ay mentetean di mangpalpaligat ken daida ta ipailak isnan kailiili nan kinangatok.

²⁸ Dat getken nan ipogawko ay sak-en nan apo ay Diosda. Getkenda na gapo isnan mang-ikaanak ken daida ay kaneg balod dat id wani daket dagopen daida ta somagongda isnan dagada ay maid polos olay esa is mabaybay-an.

²⁹ Awnitak ibokbok nan Ispiritok isnan Israelita daket adiyet baybay-an daida. Sak-en ay kangatowan ay apo nan ninkali.”