Ezekiel 11 - Kalin Apo Dios

Nan Inkalin Apo Dios Isnan Naipakaan Isnan Ilida 11:16-20

¹⁶ “Id wani et ibagam isnan iib-am isdi ay naipakaan isnan osto ay iliyo nan ibagak. Sak-en nan nangipakaan ken daida isnan osto ay iliyo daket iwakat daida isnan anaddawi ay il-ili ngem olay no keg todi et wadaak kayet ken daida isnan anaddawi ay kad-anda.

¹⁷ Isonga ibagam ken daida ay sak-en ay kangatowan ay Dios et siya na nan kanak. Awnitko dagopen daida isnan il-ili ay nang-iwakatak ken daida ta isagongko nan dagan di Israel ken daida.

¹⁸ Isnan somagonganda et masapol ay kaanenda nan am-in ay kababain ya nalogit ay sinangdidios ay das-anda.

¹⁹ Awnitak ipabalo nan poso ya nemnemda tay kaanek nan kedseda tapno managtongpalda

²⁰ ta ikkanda nan lintegko dadapay tongpalen ay ostoosto nan am-in ay bilbilinko. Awnit daida et nan ipogawko et sak-en nan Diosda.”