Exodo 13 - Kalin Apo Dios

Nan Liboo Ya Nan Apoy Ay Nangipangpango Isnan Israelita 13:19-22

¹⁹ Issan kinmaanan nan Israelita id Egipto et inkakawit da Moses nan tolang din si Jose tay id kasin et inpasapatan Jose nan Israelita ay mangwani en, “Awnit badangan Apo Dios dakayo et ikaana dakayo isna. No komaan kayo dakayot ikawit nan awakko.”

²⁰ Dat taynan nan Israelita id Succot et omapada id Etam isnan benget di pondag.

²¹ Inpangpangon nan apo daida isnan kag-aw ya labi. Isnan kag-aw et nan liboo ay napoponok ay andoando nan mangipangpango isnan daanda dat isnan labi et nan apoy tay sisilawana daida tapno makabaatda isnan kag-aw ya labi.

²² San liboo et wawawawada ay mangon-on-on-ona isnan kag-aw dat isnan labi et san apoy nan mangipangpango ken daida.