Deuteronomio 10 - Kalin Apo Dios

¹⁷ Intoloy Moses ay mangwani en, “Nan apo ay Diosyo et siya nan kangatowan isnan am-in. Owen, siya nan kangatowan ya manakabalin isonga masapol ay matongpal. Maid paam-amdena ya adi mabalin ay masogsogan.

¹⁸ Siya nan mang-itaktakdeg isnan ngoso ya nan balo. Laydena pay gedan nan sangaili ay makitetee ken datako ay Israelita ya pakanena ya badowana daida.

¹⁹ Isonga masapol ay laydenyo gedan daida tay olay dakayo et sangaili kayo id kasin id Egipto.

²⁰ Ipategyo nan apo ay Diosyo ta siya et kedeng nan daydayawenyo. Itoltoloyyo nan talekyo ken siya et no mensapata kayo et nan ngadana et kedeng nan iyosalyo.

²¹ Daydayawenyo siya tay siya nan Diosyo dayopay inila nan kaskasdaaw ay inik-ikkana ken dakayo.

²² Isdin inmayan nan alal-apoyo id Egipto et pitompooda et kedeng. Ngem id wani et pinaadon nan apo ay Diosyo dakayo engganay inmadoado kayo ay kaneg nan kaad-adon di talaw id daya.”