Amos 3 - Kalin Apo Dios

Nan Masapol Ay Ikkan Di Mamadto 3:1-8

¹ Dakayo ay Israelita, dengngenyo nan naay ay ibagan nan apo ay maipanggep ken dakayo am-in ay inpabalana id Egipto.

² Kanana en, “Isnan am-in ay il-ili isnan batawa et kedkedeng kayo is pinilik ay ipogawko. Siya na nan mangpadagsen isnan basbasolyo isonga masapol ay dosaek dakayo.

³ Ayke mabalin ay menbaat nan ipogaw ay madodowa no adida on-ona mensab-at ay mangtolag isnan ikkanda?

⁴ Aykeyak menngosiyet ay kaneg nan ikkan di layon no maid gapona? Tay adi menngosiyet nan layon isnan pagpag no maid inilana is depapena.

⁵ Ayke masilowan nan koyat no maiwed naippey is papan isnan silo? Ayke ngomato nan silo no maid sinilowana?

⁶ No waday mentanggoyob isnan ili ay mangipagtek is gobat ay adi omegyat nan ipogaw? Ay waday kaeegyat ay ommat isnan ili no adi ikkan nan apo?

⁷ Sak-en ay kangatowan ay Apo et adiyak aped ik-ikkan nan ikkak no adiyak ipagtek on-ona isnan baak ya mamadtok dapay inpagtekko et.

⁸ No menngitiyeb nan layon ay waday adi omegyat? No waday ipagtek nan kangangatowan ay apo et maid makaiyadi isnan maibagaana ken dakayo.”