2 Samuel 7 - Kalin Apo Dios

Nan Inpabagan Nan apo Ken Natan 7:4 , 8-16

⁴ Issan esay labi et kinwanin nan apo ken Natan ay mamadtona en,

⁸ “Enka ibaga isnan matalek ay baak ay si David ay kanak en, ‘Sak-en ay kangatowan ay apo et inayagak sik-a isnan menpaspastolam is kalnilo daket pabalinen sik-a ay mentolay isnan ipogawko ay Israelita

⁹ ya tinatakdok sik-a isnan am-in ay inmay-ayam dakpay pinangabak sik-a isnan mang-ap-apos ken sik-a. Pabalinek sik-a ay kapatgan ay kaneg nan kapatgan ay aap-apo isnan batawa.

¹⁰ Awnitak gedan menpili is mentean nan ipogawko ay Israelita ay maid menngabngaba. Olay nan makedse et adida et palpaligaten dakayo ay kaneg din nangpalpaligatanda ken dakayo

¹¹ ay enggana isdin nindotdotokak is nangbanbanag ken dakayo ay Israelita. Salsalaknibak et sik-a isnan mang-ap-apos ken sik-a dakpay paadowen nan aan-ak ya aap-om.

¹² Isnan mateyam ay maikaobam isnan kad-an din alal-apoyo et awnitko pabalinen ay ali nan esa ay anakmo ay lalaki daket papigsaen nan mentolayana.

¹³ Awnit siya nan mangsaad is Templo pala ken sak-en ya awnit maid patenggan nan mentolayan di an-ak ya ap-ona.

¹⁴ Awnit sak-en nan amana ya awnit siya nan anakko. No ngawi nan ikkana et dosaek ay kaneg nan ikkan di ama ay mangdosa isnan anakna ta maisolowan.

¹⁵ Ngem adiyak kak-aanen nan badangko ken siya ay kaneg san inikkak ken ali Saul ay kinaanko tapno isokatko sik-a.

¹⁶ Awnit wawawawada nan aap-om dakpay ipatoltoltoloy nan mentolayam. Awnit maid patenggan nan mentolayan di aap-om.’ ”