1 Samuel 12 - Kalin Apo Dios

Nan Ninbabawiyan Di Israelita 12:19-24 ; 15:34-35

¹⁹ Kinwanin nan kaipoipogaw ken Samuel en, “Pangaasim kad ta menlowaloka isnan apo ay Diosmo tapno adi kami matey tay tinapiyanmi nan basolmi isnan nindawatanmi is mangitolay ken dakami.”

²⁰ Dat kanan Samuel en, “Adi kayo omegyat. Olay no inikkanyo nan naay ngawi ngem adiyo koma amed anayan nan basolyo isnan mangdokoganyo isnan apo nodi silsilbiyanyo kayet siya isnan am-in ay kabaelanyo.

²¹ Adi kayo mendaydayaw isnan sinangdidios tay adida maisalakan wenno mabadangan dakayo tay daida et maid polos silbida.

²² Gapo tay adyan nan apo ay maibaba nan ngadana et adina baybay-an dakayo nodi kagagasingna ay menbalinen dakayo is ipogawna.

²³ Olay sak-en et makabasolak isnan apo no adiyak itoltoloy ay mangilol-owalo ken dakayo. Masapol gedan ay ibagak nan gawis ya osto ken dakayo.

²⁴ Patgenyo nan apo ya mensilbi kayo ken siya isnan am-in ay kabaelanyo. Nemnemenyo koma nan ganagwis ay inikkana ken dakayo.”