1 Aali 3 - Kalin Apo Dios

Nan Dawat Ali Solomon 3:5-12

⁵ Isnan esay labi ay kawad-an ali Solomon id Gabaon dat menpaila nan apo ken siya isnan iitaw et sootena en, “Ngan nan kaytem ay idyak ken sik-a?”

⁶ Dat kanan Solomon en, “Kanayon ay ipap-ailam nan layadmo ken amak ay David tay siya nan esay baam ay nalinteg ya matalek dapay maid ngawi isnan nemnemna. Dakat itoltoloy ay manglaylayad ken siya isnan nang-agtam is anak ay lalaki ay naisned ken siya ay mentolay.

⁷ Et sik-a apo ay Dios nan nang-ipalobos ken sak-en ay men-ali ay mangsoblat ken ama ay din si David ay olay no daanak ay onga dakpay adi getken ay mentolay.

⁸ Ngem naayak et ay mang-itolay isnan pinilim ay adi kabilang ay ipogawmo

⁹ isonga iyalim ngalod nan silib ay masapolko isnan mang-itolayak isnan ipogawmo ya ta getkek nan gawis isnan ngawi. Tay ngan pay di ikakkak ay mentolay isnan naayda ay kaipoipogaw no maid silibko?”

¹⁰ Nin-gasing nan apo isnan dawat Solomon

¹¹ danat kanan ken siya en, “Gapo tay nan dinawatmo et silib tapno nalinteg nan mentolayam imbis ay is an-ando ay biyag wenno kinabaknang wenno is ikkam ay mangpatey isnan mang-ap-apos ken sik-a

¹² isonga idyak nan dawatmo. Agtak sik-a is silib ya panakaawat ay maid polos kanegna isnan tap-in di ipogaw id kasin wenno is komasin.”