Yosua 21 - Wunta Mempori

Luwuno kotado to Lewi

¹ Mehawe iramo luwuno petewawa pepe'etuado to Lewi ndi sando mpesomba Eliasa, ndi Yosua anano i Nunu, ka ia petewawa pepe'etuado i olodo luwuno tongku to Isaraeli

² ka dompotae ndi ondae i Silo i wita Kana'a, kanandio, ”Ondae i Ue metena Iramo ndi Musa, ka doweekami luwuno kota gagi po'ianga mami ka luwuno wita pompakambia pinotuwu mami.”

³ Onaemo to Isaraeli pompoweengako inso a pusakado luwuno kota saru luwuno wita mpopakambia a nto Lewi, kana petena-Do i Ue.

⁴ Meluarakoomo undia ia mia nto Keha. Ka ndi ondae to Lewi luwuno anano sando mpesomba Haruni, telalo a ia undia mpohawe ira hopulu ka otolu kota inso ia tongku Yehuda, inso ia tongku Simeo, ka inso ia tongku Benami.

⁵ Pe'etu anu susua inso ia inuleno i Keha mpohawe undia hopulu kota te'inso ia tongku Eparai, inso ia tongku Dani ka inso ia tongku Manase anu asantia atuu.

⁶ Inuleno i Gereso mpohawe undia hopulu ka otolu kota te'inso ia tongku Isaka, inso ia tongku Asere, inso ia tongku Napatali ka entongano tongku Manase i Basani atuu.

⁷ Inuleno i Merari mpohawe undia hopulu ka orua kota montonda pepe'etuado, te'inso ia tongku Rube, inso ia tongku Gadi, inso ia tongku Sebulo.

⁸ Kanandiomo doweeako ira to Isaraeli luwuno kota hieno, saru luwuno wita pompakambiado ndi ondae to Lewi kana undia anu Dotenaako ira i Ue ndi Musa.

⁹ Inso ia tongku inuleno i Yehuda ka inso ia tongku inuleno i Simeo domewineeako luwuno kota andio:

¹⁰ Ia luwuno anano i Haruni to Keha anu tewinso a inuleno i Lewi, nde ondaemo mpohawe undia anu amba-ambano.

¹¹ Ndi ondae domewineeako Kiriati-Araba, onaemo Heberoni, a mentorukuno Yehuda, ka luwuno wita pompakambiado. Araba onaemo amado tongku Ena.

¹² Sine wita pelerea kota hieno saru luwuno iniano dompeweengakonomo ndi Kalebi anano i Yepune gagi pusakado.

¹³ Ndi anano sando mpesomba i Haruni, domewineeako Hebero, kota pepotuwua tiado anu pompepate, ka wita pompakambiano, Libina saru wita pompakambiano,

¹⁴ Yatiri saru wita pompakambiano, Esetemoa saru wita pompakambiano,

¹⁵ Holoni saru wita pompakambiano, Debiri saru wita pompakambiano,

¹⁶ Aini saru wita pompakambiano, Yuta saru wita pompakambiano, ka Beti-Seme saru wita pompakambiano, luwuno osio kota inso ia orua tongku atuu.

¹⁷ Ka te'inso ia tongku Benami: Gibeo saru wita pompakambiano, Geba saru wita pompakambiano,

¹⁸ Anatoti saru wita pompakambiano, ka Alamoni saru wita pompakambiano, luwuno opaa kota.

¹⁹ Luwuno kota-kota tiado anano i Haruni, sando mpesomba atuu, hopulu ka otolu kota saru wita pompakambiano.

²⁰ Pe'etu inso ia inuleno i Keha anu susua, onaemo to Lewi anu da mpo'ia i olodo inuleno i Keha mpohawe kota inso ia undiado tongku Eparai.

²¹ Ndi ondae domewineeako Sikemi, kota pepotuwua tiado anu mpopepate, saru wita pompakambia, a mentorukuno Eparai, Geseri saru wita pompakambiano,

²² Kibesai saru wita pompakambiano ka Beti-Horo saru wita pompakambiano, luwuno opaa kota.

²³ Ka inso ia tongku Dani: Eliteke saru wita pompakambiano, Gibetoni saru wita pompakambiano,

²⁴ Ayalo saru wita pompakambiano ka Gati-Rimo saru wita pompakambiano, luwuno opaa kota.

²⁵ Ka inso ia tongku Manase anu asantia atuu: Ta'anaki saru wita pompakambiano ka Gati-Rimo saru wita pompakambiano, luwuno orua kota.

²⁶ Luwuno kota atuu hopulu, saru wita pompakambiano, pinakosi tiado pe'etu anu da mpo'ia i olodo inuleno i Keha.

²⁷ Inuleno i Gereso inso ia pe'etuno i Lewi mpohawe inso ia tongku Manase anu asa ntiano mbo'u: Golani, kota pepotuwua tiado mia puu mpompepate, Basani, saru wita pompakambiano, ka Besetera saru wita mpompakambiano, luwuno orua kota.

²⁸ Ka inso ia tongku Isaka: Kisipo saru wita pompakambiano, Dobara saru wita pompakambiano,

²⁹ Yaramu saru wita pompakambiano, ka Eni-Gani saru wita pompakambiano, luwuno opaa kota.

³⁰ Ka inso ia tongku Asere: Misali saru wita pompakambiano, Abidoni saru wita pompakambiano,

³¹ Heleka saru wita pompakambiano, ka Rehobi saru wita pompakambiano, luwuno opaa kota.

³² Ka inso ia tongku Napatali: Kedesi, kota pepotuwua tiado puu pompepate, Galilea, saru wita pompakambiano, Hamoti-Dore saru wita pompakambiano, ka Karatani saru wita pompakambiano, luwuno otolu kota.

³³ Luwuno kota tiado to Geresoni montonda pepe'etuado hinao hopulu ka otolu kota saru wita pompakambiano.

³⁴ Luwuno pe'etu inuleno i Merari, to Lewi anu da mpo'ia, mpohawe inso ia tongku Sebulo: Yokonea saru wita pompakambiano, Karata saru wita pompakambiano,

³⁵ Dimina saru wita pompakambiano ka Nahalali saru wita pompakambiano, luwuno opaa kota.

³⁶ Ka inso ia tongku Rube: Beseri saru wita pompakambiano, Yahasi saru wita pompakambiano,

³⁷ Kedemoti saru wita pompakambiano ka Mepaati saru wita pompakambiano, luwuno opaa kota.

³⁸ Ka inso ia tongku Gati: Ramoti, kota pepotuwua tiado puu pompepate, i Gilea saru wita pompakambiano, Mahanai saru wita pompakambiano,

³⁹ Hesiboni saru wita pompakambiano ka Yaeseri saru wita pompakambiano, luwuno opaa kota.

⁴⁰ Luwuno kota atuu pinakosi tiano inuledo to Merari, anu da mpo'ia inso ia pepe'etuado to Lewi. Tia undiado hinao hopulu ka orua kota.

⁴¹ Luwuno kotado to Lewi i olodo to Isaraeli hinao pato pulu ka oalu kota saru wita pompakambiano.

⁴² Sompo kota atuu pada hinao wita pompakambia anu lumimbuo, kanandiomo luwuno kota atuu.

Rodoa a wita anu dinandi-Do i Ue

⁴³ Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai.

⁴⁴ Ka Ondae i Ue moweeako ira rodoa sompo siuno wita, menunu kana dandi ka sumpa-Do ia ue mpu'udo. Nahina maupo te'asa mia iwalido anu moko'aropi ira, luwuno iwalido Dopewengaako ira i Ue ndi ondae.

⁴⁵ Luwuno anu moiko anu dinandi-Do i Ue a nto Isaraeli, nahina anu nahi pinokogagi. Luwuno pinokogagi.