Yosua 19 - Wunta Mempori

Pusakado tongku Simeo

¹ Undia anu kompenduano meluarakoomo tiado tongku Simeo, tiado tongku inuleno i Simeo montonda pepe'etuado. Pusakado koongko i tongano pusakado inuleno i Yehuda.

² Anu gagi pusakado domewineeako: Bereseba, Seba, Molada,

³ Hasari-Suali, Bela, Esemi,

⁴ Elitola, Betuli, Horoma,

⁵ Sikila, Beti-Hamarakabo, Hasari-Susa,

⁶ Beti-Lebao ka Saruheni; hopulu ka otolu kota ka luwuno iniano;

⁷ Eni-Rimoni, Eteri, ka Asani; opaa kota ka luwuno iniano;

⁸ ka luwuno inia lumimbuo kota anu hieno, hawe i Ba'alati-Be'eri, onaemo Rama anu i Wita Selata. Onaemo tuu pusakado tongku inuleno i Simeo montonda pepe'etuado.

⁹ Pusakado inuleno i Simeo inala inso ia tiado inuleno i Yehuda. Hangano tiano inuleno i Yehuda atuu dompemaluao lahi, onaemo ka inuleno i Simeo mpohawe tia pusaka i olodo.

Pusakado tongku Sebulo

¹⁰ Undia anu kopentoluno meluarakoomo tiado inuleno i Sebulo montonda pepe'etuado. Tida pusakado hawe i Saridi.

¹¹ A sumooano oleo tidado atuu morake i Marala, tepohawe i Dabesete, ka i'amba tepohaweakono korono anu waa lumaloo Yokeneamo.

¹² Inso i Saridi tida atuu mepokule i sabaano oleo, lumaloo wita Kisilo-Tabora, tetutu i Dobora, morake lako i Yapia;

¹³ inso i ra'ai motilalo i sabaano oleo, lumako i Gati-Heperi, lumako i Eti-Kasini, tetutu i Rimoni, ka melengkuako i Nea.

¹⁴ Ka i'amba tida atuu melengkuako tumanggolilio i utara Hanato, ka pokotompaano i lembono Yipita-Eli.

¹⁵ Ka i'amba Katati, Nahalali, Simoroni, Yidala ka Beteleme; hopulu ka orua kota saru luwuno iniano.

¹⁶ Onaemo atuu pusakado inuleno i Sebulo montonda pepe'etuado.

Pusakado tongku Isaka

¹⁷ Undia anu ko'opa meluarakoomo tiado tongku Isaka montonda pepe'etuado.

¹⁸ Witado onaemo Yisireeli, Kesulo, Sune,

¹⁹ Haparai, Sioni, Anahara,

²⁰ Rabiti, Kisoni, Ebesi,

²¹ Remeti, Eni-Gani, Eni-Hada, ka Beti-Pasesi.

²² Tida wita atuu tepohawe i Tabori, Sahasima ka Beti-Seme ka tida witado metompaako i Koro Yarade; hopulu ka onoo kota ka luwuno iniano.

²³ Onaemo pusakado tongku inuleno to Isaka montonda pepe'etuado.

Pusakado tongku Asieri

²⁴ Undia anu ko'olima meluarakoomo tiado tongku inuleno i Asieri montonda pepe'etuado.

²⁵ Witado onaemo Helekati, Hali, Beteni, Akasa,

²⁶ Alamele, Amadi ka Misali; ka tidano tepohawe a torukuno Karameli, ka koro Lebinati, i sumooano oleo;

²⁷ Ka i'amba mepokule i sabaano oleo, i Bati-Dago, tepohawe i wita Sebulo, ka lembono Yipita-Eli i utara, Beti-Eme ka Nehieli, ka te'aro i Kabuli utara,

²⁸ ka te'aro i Eberoni, Rehobi, Hamoni, ka Kana hawe i Sidoni Langkai.

²⁹ Ka i'amba tida atuu mepokule i Rama ka hawe i kota anu benteno Tirusi, ka i'amba tida atuu mepokule i Hosa ka pokotompaano i tahi. Ka i'amba mbo'u Mahalabi, Akasibi,

³⁰ Uma, Apeki ka Rehobi; rua pulu ka orua kota saru luwuno iniano.

³¹ Onaemo tia pusakado inuleno i Asieri montonda pepe'etuado.

Pusakado Tongku Napatali

³² Meluarako undia anu ko'onoo tiado inuleno i Napatali, montonda pepe'etuado.

³³ Witado mompu'u inso i Helepi, keu tarabanti i Sa'ananima, Adami-Neke ka Yabine'eli, hawe i Lakumi, ka pokotompaano i Koro Yarade.

³⁴ Ka i'amba tida atuu mepokule i sumooano oleo lumako i Asanoti-Tabori, inso i ra'ai itosio Huko, itepohaweakono wita Sebulo i selata, tepohaweakono wita Asieri i sumooano oleo ka wita Yehuda i koro Yarade, i sabaano oleo.

³⁵ Luwuno kota anu mebente onaemo Sidimi, Seri, Hamati, Rakati, Kinereti,

³⁶ Adama, Rama, Hasori,

³⁷ Kedesi, Ederei, Eni-Hasori,

³⁸ Yiro, Migida-Eli, Horemi, Beti-Ana, ka Beti-Semesi; hopulu ka osio kota ka luwuno iniano.

³⁹ Onaemo pusakado tongku inuleno i Napatali montonda pepe'etuado.

Pusakado tongku Dani

⁴⁰ Tiano tongku Dani montonda pepe'etuado meluarako undia anu ko'opitu.

⁴¹ Wita pusakado onaemo Sora, Esitaoli, Iri-Semesi,

⁴² Saalabi, Ayalo, Yitila,

⁴³ Eloni, Timina, Ekeroni,

⁴⁴ Eliteke, Gibeto, Ba'alati,

⁴⁵ Yehu, Bene-Bera, Gati-Rimo,

⁴⁶ Me-Yarakoni ka Rako, saru wita anu i asambalino Yapo.

⁴⁷ Hangano witado inuleno i Dani tedoa dompemoholoo, melako iramo inuleno i Dani atuu ka dompetea umewaio kota Lesemi. Donangi ira, do'impahiako ira ponai ka dompetorokio. Mpo'ia iramo i ra'ai ka domeneeakono Lesemi atuu Dani, montonda neeno i Dani, amado anu umule ira.

⁴⁸ Onaemo atuu pusakado tongku inuleno i Dani montonda pepe'etuado.

Pusakano i Yosua

⁴⁹ Mansado to Isaraeli umari mpetiao wita atuu gagi pusakado montonda luwuno witado, ndi Yosua anano i Nunu wineeako pusakano i olodo.

⁵⁰ Menunu ka pau-Do i Ue domeweeakono kota anu inemano, onaemo Timinati-Sera a mentorukuno Eparai. Kota atuu iwanguo ka mo'iaomo i ra'ai.

⁵¹ Onaemo atuu pusaka anu inundido i olodo luwuno tongku to Isaraeli i Silo itempono sando mpesomba Eleasa, ka i Yosua anano i Nunu ka luwuno petewawa pepe'etua i aro-Do i Ue pewowano Kema Tepumpua. Kanatuumo dompetiao wita atuu.