Yosua 16 - Wunta Mempori

Pusakado tongku Eparai ka tongku Manase

¹ Ka i'amba meluarakoomo undia ia inuleno i Yusupu. Tidado mompu'u te'inso i koro Yarade umpeda Yeriko, i sabaano oleo luwuno mata uwoi Yeriko, telalo i pada one, anu morake inso i Yeriko, lumako a mentorukuno i Beteli,

² meluarako inso i Beteli tetutu i Lusi, motilalo i witado to Ariki, i Ataro,

³ montindulu i sumooano oleo, a witado to Yepile, hawe i Totono wita Beti-Horo ka motilalo hawe i Geseri ka pokotompaano i tahi.

⁴ Kanandiomo inuleno i Yusupu, onaemo tongku Manase, ka tongku Eparai, mohawe pusaka.

⁵ Wita inuleno Eparai montonda pepe'etuado: Tida wita pusakado a sabaano oleo onaemo Ataro-Adari hawe i Wawono i Beti-Horo.

⁶ Ka ia sumooano oleo tida atuu meluarako i utara Mikimeta; ka i'amba tida atuu melengkuako te'aro i Taana-Silo, ka inso i ra'ai motilalo hawe a sabaano oleo Yanoa.

⁷ Inso i Yanoa, montindulu i Ataro ka Naharati, umpeda wita Yeriko ka meluarako te'aro a koro Yarade.

⁸ Inso i Tapua tida atuu motilalo i sumooano oleo lako i Korono Kana, pokotompaano hawe i tahi. Onaemo pusakado tongku inuleno i Eparai montonda pepe'etuado.

⁹ Ka i'amba tiado inuleno i Eperai pinakosi luwuno kota tensia i olono pusakado inuleno i Manase, luwuno kota atuu ka luwuno iniano.

¹⁰ Sine to Kana'a anu mpo'ia i Geseri nahi dosaari ira. Gaagi to Kana'a atuu da mpo'ia ira mpiha i olodo tongku Eparai ranta kanandio, sine megagi ira mia ntepe'ata.