Yosua 15 - Wunta Mempori

Tidano wita tongku Yehuda

¹ Tiado anu inundi ia tongku inuleno i Yehuda montonda pepe'etuado, hawe ia tida witado to Edomi, hawe i Sini i pada one lako i untuno selata.

² Tida selata ndi ondae mompu'u i tompano Tahi Mate, inso ia soono anu me'aro i selata;

³ ka i'amba lumako i selata ia porakea Akarabi, motilalo i Sini, morake i selata Kadesi-Baranea, motilalo i Haseroni, morake i Adari, melengkuako i Karaka,

⁴ motilalo i Asimoni ka lumako i korono i wita Masiri, ka tida atuu pokotompaano i tahi. Onaemo atuu tidamiu i selata.

⁵ Tida i sabaano oleo Tahi Mate hawe i ngangano koro Yarade. Tida i utara, mompu'u i soono ngangano koro Yarade atuu:

⁶ tida atuu morake lako i Beti-Hogola, telalo i utara Beti-Araba, ka i'amba tida atuu morake lako ia Watu Bohani anano i Rube.

⁷ Ka i'amba inso i lembono Akoro tida atuu morake lako i Debiri ka motilalo i utara lako i Giliga i asambalino porakea Adumi, anu i selata korono. Ka i'amba tida atuu motilalo lako i mata uwoi Eni-Seme ka meluarako i Eni-Roge.

⁸ Ka i'amba tida atuu morake lumako i lembono Beni-Hinomi, i asambalino selata tumondao korimbino torukuno Yebusi, i tu'aimo Yerusale. Ka i'amba tida atuu morake i punsuno torukuno anu i asambalino lembono Hinomi i asambalino i sumooano oleo, i utara lembono to Repai.

⁹ Ka i'amba tida atuu melengkuako inso i punsuno torukuno atuu lumako ia mata uwoi Me-Nepatoa, ka ipeluarako lumako i kota i mentorukuno Eperoni, ka i'amba tida atuu melengkuako lako i Ba'ala, onaemo Kiriati-Yearimi.

¹⁰ Ka i'amba tida atuu melengkuako inso i Ba'ala lako i sumooano oleo lumako a mentorukuno Seiri, motilalo i utara ia korimbino torukuno Yearimi, onaemo Kesalo, montindulu lako i Beti-Seme ka motilalo i Timina.

¹¹ Ka i'amba tida atuu lumako i utara lako i korimbino torukuno Ekeroni; ka i'amba tida atuu melengkuako i Sikironi, motilalo ia torukuno Ba'ala ka lumako umpeda Yabene'eli, ka i'amba tida atuu hawe i tahi.

¹² Tida i sumooano oleo onaemo Tahi Molue ka wiwino tahi. I tu'aimo insoano luwuno tida wita inuleno i Yehuda montonda pepe'etuado.

Heberoni tedonta ia ngkaeno i Kalebi

¹³ Sine ndi Kalebi anano i Yepune ipoweeakono i Yosua asantia i tonga-tongano inuleno i Yehuda, onaemo Kiriati-Araba, kana anu pinau-Do i Ue ndi onae; Araba onaemo amado to Ena. Onaemo tuu Heberoni.

¹⁴ Ka i Kalebi sumaari ira inso i ra'ai otolu ira to Ena, onaemo i Sesai, Ahimani, ka Talamai, anano i Ena.

¹⁵ Inso i ra'ai lumakoomo sumapoi ira palili Debiri. Neeno Debiri atuu se'eluno Kiriati-Seperi.

¹⁶ Mepauomo i Kalebi: ”Ba isema me'iwaliakono i Kiriati-Seperi ka rumontuo, ndi onae aku weeakono anaku i Akasa gagi kombiano.”

¹⁷ Ka i Otinieli, anano i Kenasi pepaekompono i Kalebi, ka rumontuo kota atuu onaemo ka iweeakono i Kalebi anano i Akasa, gagi kombiano.

¹⁸ Mansano beine atuu hawe, ipopandeio tamano ka ipo'ema lere ndi amano. Metiiomo beine atuu inso ia kalideno, motaeomo i Kalebi ndi onae, ”Hinao hapa?”

¹⁹ Sangkino, ”Ipowee'akumo hadia tondonino ronso; iwee'akumo wita anu morungku, iwee aku mbo'u mata uwoi.” Iweeakonomo mata uwoi iwawono ka mata uwoi anu i ngangano.

Kotado tongku Yehuda

²⁰ Ndiomo pusakado tongku inuleno i Yehuda montonda pepe'etuado.

²¹ Luwuno kota tongku inuleno i Yehudi anu i untuno ntu'u, umpeda tida wita Edomi, i wita Nege, onaemo Kabise, Ederi, Yaguri,

²² Kina, Dimona, Adada,

²³ Kadesi, Hasori, Yitina,

²⁴ Sipi, Tele, Bealo,

²⁵ Hasori-Hadata, Kerioti-Hesironi, onaemo Hasori,

²⁶ Amami, Sema, Molada,

²⁷ Hasari-Gada, Hesimo, Beti-Pele,

²⁸ Hasari-Suali, Bereseba ka luwuno kota kodei,

²⁹ Ba'ala, Imi, Esemi,

³⁰ Elatola, Kesi, Horoma,

³¹ Sikala, Madamana, Sanasana,

³² Lebaoti, Silihimi, Aini, ka Rimo; luwuno rua pulu ka osio kota langkai saru luwuno iniano.

³³ I Sepela; Esitao, Sora, Asana,

³⁴ Sanoa, Eni Ganimi, Tapua, Ena,

³⁵ Yaramu, Adulami, Soko, Aseka,

³⁶ Sa'araimi, Aditaimi, Gedera, ka Gederotaimi; hopulu ka opaa kota saru luwuno iniano.

³⁷ Sena, Hadasa, Migida-Gadi,

³⁸ Dilea, Misipa, Yokote,

³⁹ Lakisi, Bosokati, Egelo,

⁴⁰ Kabo, Lahima, Kitili,

⁴¹ Gedero, Beti-Dago, Na'ama ka Makeda; hopulu ka onoo kota saru luwuno iniano.

⁴² Libina, Eteri, Asani,

⁴³ Yipita, Asana, Nesibi

⁴⁴ Kehila, Akasibi ka Maresa; osio kota ka luwuno iniano.

⁴⁵ Ekeroni saru luwuno kota ka iniano.

⁴⁶ Te'inso i Ekeroni hawe i tahi, luwuno anu i horino Asado ka luwuno iniano.

⁴⁷ Asado ka luwuno kota kodei ka iniano, Gasa ka kota kodei, ka luwuno iniano, hawe i korono wita Masiri, Tahi Molue ka wiwi ntahi.

⁴⁸ Ka a mentorukuno: Samiri, Yatira, Soko,

⁴⁹ Dana, Kiati-Sana, onaemo Debiri;

⁵⁰ Anaba, Esetemo, Anima,

⁵¹ Gose, Holoni, ka Gilo; hopulu ka asa kota, saru luwuno iniano,

⁵² Ara, Duma, Esani,

⁵³ Yanu, Beti-Tapua, Apeka,

⁵⁴ Humita, Kiriati-Araba, onaemo Heberoni ka Siori; osio kota ka luwuno iniano.

⁵⁵ Maoni, Karameli, Sepi, Yuta,

⁵⁶ Yisereeli, Yokodea, Sanoa,

⁵⁷ Kai, Gibea ka Timina; hopulu kota saru luwuno iniano.

⁵⁸ Halahulu, Beti-Suri, Gedo,

⁵⁹ Maara, Beti-Ano ka Eleteko; onoo kota ka luwuno iniano,

⁶⁰ Kiriati-Baali, onaemo Kiriati-Yearimi, ka Raba; orua kota ka luwuno iniano.

⁶¹ I pada one: Beti-Araba, Midini, Sekaka,

⁶² Nibisa, kota Ohia ka Eni-Gedi; onoo kota ka luwuno iniano.

⁶³ Sine mia Yebusi, palili kota Yerusale, nahi dopokosaari ira inuleno i Yehuda. Gaagi to Yebusi atuu da mpo'ia mpe'asaako ira inuleno i Yehuda i Yerusale ranta kanandio.