Yesaya 4 - Wunta Mempori

¹ I tempo atuu opitu ira beine me'inio asa tama, saru mpotae, ”Kaanga ka sangkamami omamipo mpo'ungke, polo neemu moiko kimempakeo gagi neemami, pahihiomo mokoko'iimami!”

Ondae i Ue momuleo Sioni

² I tempo atuu tumba anu Dopotuwuo i Ue ta gagi tekosi ka maramba, ka hasilino wita gagi po'undea ka pompelangkai a nto Isaraeli anu tola.

³ Mia anu tebinta i Sioni ka mia anu da mentuwu i Yerusale ira mempinau mempori, sompo mia anu teburi ta kongko tuwu i Yerusale.

⁴ Tewala Dopokomorinaomo i Ue mokoburuno ana beine Sioni ka pahihio luwuno itino rea i Yerusale inso i tonga-tongano saru roso moleoa ka pompokomorina,

⁵ ka i wawono luwuno wita torukuno Sioni ka i wawono sompo tepotowoa, i tu'ai Ondae i Ue Ira mokogagio asa howu seru i tempono meene ka ahu saru wantano api anu kolanga-langa i tempono wongi. Mentee ntu'u ta hina asa boru i wawono luwuno marambaa atuu,

⁶ gagi laika pe'engoa i tempono meene hangano tedoa mokula ka gagi pepekaduduia saru pewunia hangano angi mokora ka usa.