Yesaya 15 - Wunta Mempori

Pohuku-Do anu pabawa tiano Moabi 15:1–16:14

¹ Pau-Do anu pabawa a nto Moabi. Mentee ntu'u, i larono asa wongi Ari-Moabi sinolangiomo, pinokotampula; mentee ntu'u, i larono asa wongi Kiri-Moabi sinolangiomo, pinokotampula!

² Ana beine Diboni mewuatako mengese a luwuno pongku pesombaa; Moabi monsabangi hangano Nebo ka hangano Medeba. Uluno luwuno mia kineru londa ka danggono pinolei.

³ A nsala mia mpebooako sawu po'inombo, a wawo ato ka a ntanalapa luwuno mponsabangi, uwoi matado nte'i'iti.

⁴ Hesiboni ka Eleale mperaali, suarado teronge hawe i Yahasi. Onaemo pu'uno, mia mpeparewa mpetea i Moabi mpeboo-booli, mpondidi-ndidi ira medoito.

⁵ Meraaliki aroaku kumitao Moabi, mia mpeliahako haweomo i Soari, i Egilati-Selisia. Mentee ntu'u, mia mporake a mporakea Luhiti saru mpengese; ka a nsala lumako i Horonaimi mia mpopemahaki hangano i'alu ira urasa'o.

⁶ Mentee ntu'u, luwuno waaano uwoi i Nimarimi gagiomo mokari, ewo moleuomo, ewo mongura pingkoomo, nahina mbo'u pinopaho molowulu.

⁷ Onaemo pu'uno, luwuno pompoli anu mehinowudo ka luwuno anu meninaado domewawao i asatowano Koro Mo'are Ha'arabimi.

⁸ Mentee ntu'u, peraaliki atuu tumutuwio luwuno wita Moabi, ponsabangino hawe i Egilaimi, tendeano hawe i Be'eri-Elimi.

⁹ Mentee ntu'u, uwoi i Diboni bukeako ntu'u rea, marasaia i Diboni Aku tumiangio mbo'u: singa tiado mia anu mentola inso i Moabi ka anu da mentuwu i wita atuu.