Yesaya 12 - Wunta Mempori

Penani po'unde a ntekaduduia

¹ I tempo atuu komotae, ”Aku mo'unde ndi Omiu, oo Ue, hangano menteeano tekuda Komiumo ndi ongkue, tekuda-Miu moriniomo ka Itarero aku.

² Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

³ Komiu memawongko mpontambu uwoi inso a mata uwoi tekaduduia.

⁴ I tempo atuu komiu mpotae, ”Po'undemo ndi Ondae i Ue, poboiomo nee-Do, popauomo wineweu-Do i olodo tongku, paleleomo, nine nee-Do mantande maramba!

⁵ Penaniako Iramo i Ue, hangano moweweu Iramo wineweu maramba; mongkona andio tino'ori i asa wawontolino!

⁶ Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”