Yeremia 8 - Wunta Mempori

¹ A tempo atuu, kanandiomo pau-Do i Ue, wukudo luwuno mokole i Yehuda, luwuno pinemota'u, sando mpesomba ka nabi, saru wukudo luwuno palilino Yerusale ta linuarako inso a laro ngkaburudo.

² Luwuno wuku atuu siniarawo i totono mata oleo, wula, ka luwuno anano wula anu hori ira mengkekewoio, mpekakaakono, mentondao, mpesikeno ka mpesomba. Luwuno atuu nahi ta pinumpu ka kinaburu, tendeano ta gagi pompokomewalo a wawo wita.

³ Sine luwuno mia anu da mentuwu inso a nsuku anu lambaha andio ta inehedopo mate sekono tuwu a luwuno po'ianga isua Kusiarawo ira, kanandiomo pau-Do Ueno luwuakoano.

Hukuno tongku anu nahi behe tepidi 8:4-17

⁴ Omue asalakono pauako ira, ”Kanandiomo pau-Do i Ue: Tewala mia tedonta, nde nahi ta wali mewangu? Tewala mia mewolili, nde nahi ta mekule?

⁵ Tembio ka dompewolili tongku andio, luwuno ihino Yerusale mpewolili mpiha? Ondae mpe'ini a pompopo'oo, nahi dobehe mpekule.

⁶ Kupekokoongako iramo ka rumongeo: nahi dompepau moleo! Nahina maupo te'asa mia me'o'oleakono wineweuno mosa'o saru motae: Hapa anu kuweweuomo? Ondae mpewolili mpolai a nsalado ondaedo kana ngara anu merumpa mewinso a laro mpeteaa.

⁷ Maupo manu-manu timba'u i laro meene mento'orio tempono, manu-manu wurokou, wowitu, ka koro mentondao tempo pekuleado, sine bawaa-Ku nahi domento'orio songka-Do i Ue.

⁸ Kana'umpe ka impotae: Omami pande mpompewowolo, ka omami hinao Taura-Do i Ue? Menteeano, penano anu tumo'orio ntu'u ihino wunta anu bukeako pegaupi weweuo gagi pegaupi.

⁹ Mia pande mosongka gagi mokoko'ii; ondae ntededengke ka tepopo'oo. Menteeano, nahi domentarimao pau-Ku, ponto'ori hapa anu kongko ndi ondae?

¹⁰ Onaemo pu'uno, Aku meweengako ira beinedo a mia susua, luwuno leredo a mia mpope'ata. Hangano, inso anu lalu kodei hawe anu lalu langkai, luwuno mpo'ungke me'uraa, moiko nabi maupo sando mpesomba, luwuno mpoweweu pompopo'oo.

¹¹ Ondae mempakulio mobelano ana beinedo bawaa-Ku kana-kana mobela kodei, ipotae: Manangai! Manangai!, kahinaano nahina manangaia.

¹² Bakanaano ondae memongkoko'ii, hangano ondae mpoweweu hapa anu mokoburu; Sine ondae nahi domemokoko'ii ntu'u. Onaemo pu'uno ira ntebangku i olodo mia anu ntebangku, ira ntetidu tebangku i tempono domehinuku, pau-Do i Ue.

¹³ Aku umalao hasilido, kanandiomo pau-Do i Ue, sine nahina wua anggoro a ngkeu anggoro, nahina wua ara a ngkeu ara, ka luwuno leweno moleuomo; onaemo pu'uno, hapa anu Kuweeako ira, ta tampula inso ndi ondae.”

¹⁴ Tembio ka tobutu mpentoro-toro? Mpempumpumo ka aiwamo tomelako a luwuno kota mebente ka memate i ra'ai! Hangano Ondae i Ue, Ue Alato, mo'inee kita memate, moweeakita mpo'inu rasu, hangano mentehala kitamo ndi Ondae i Ue.

¹⁵ Ontae mpomperorohi sintuwu, sine nahina hawe te'asa anu moiko; ontae mpoperorohi tempo tompaa, sine anu hina butu mongkokongiria!

¹⁶ ”Pewunsulino ngarado iwali inso i Dani; hangano pekiilino ngara lakinodo mondidi-ndidiomo asa wawontolino. Ondae me'aiwa ka mengkaano pingko wita ka luwuno ihino, kota saru palilino.

¹⁷ Kitaomo, Aku motola ira i tonga-tongamiu ule mo'ito; ondae nahi poli pinokomoneaako basa-basa, ka ta tumungku komiu, kanandiomo pau-Do i Ue.”

Sabangino Yehuda ka Yerusale 8:18–9:11

¹⁸ Nahi poli pinokotompa masusaa anu umaluo koroiku, tedoa mahaki aroaku.

¹⁹ Irongeomo peboolido mpepetulungi ana beinedo tongkuku inso a luwuno po'ianga anu olai i wita andio, ”Nahi Dokongkoke i Ue i Sioni? Nahina mokolenoke i ra'ai?” Tembio tekuda-Ku ka dompokotesingkaakono luwuno tinaha-Do, saru luwuno lahumoado mia mehawe anu nahina pengkonaano?

²⁰ Laloomo tempo sumowi, tompaanomo tempo motu'i-tu'i, sine naapo koa mbo'u tomengkinadudui!

²¹ Hangano mobelado ana beineno tongkuku, aroaku mbo'u mobela; ongkue mompemasusa, isapoi akumo mongkokongiria.

²² Nahinake balasee i Gileadi? Nahinake dotoro i ra'ai? Tembioke napi hawe koa mbo'u pomuleado ana beineno tongkuku?