Yeremia 47 - Wunta Mempori

Mongkona to Pelisiti 47:1-7

¹ Pau-Do i Ue anu hawe ndi Nabi Yeremia mongkona to Pelisiti, se'eluno Gasa napi nangio i Pirao.

² ”Kanandiomo pau-Do i Ue, Kitao, uwoi anu mewuatako mompolomo inso i utara gagi korono anu mowo, sumampuo wita saru ihino, kota saru palilino. Mia ira mpebooli, ka luwuno palilino wita andio ira mponsabangi,

³ rumongeo unino pongkopa-kopano kukuno ngara, rerendeno kareta, kekereno bolano. Ama nami dompewolili a anado, hangano kaedo telusaomo.

⁴ Hangano, haweomo oleono ka ipepate ira luwuno to Pelisiti, ka mokotampulao inso i Tirusi ka Sidoni sompo pontulungi anu da mo'ia. Mentee ntu'u, Ondae i Ue Ira mepate ira to Pelisiti, mia anu da mentuwu me'aiwa inso i Togo Kapitori.

⁵ Gasa londaomo, kota Asikeloni terawo komino; hei Asidodi, to Enaki anu da mentuwu, opiapo mbo'u tehineno usosorekio koroimu?

⁶ Ha, ponai-Do i Ue, opiapo mbo'u tehineno ka u'amba menaa-naa? Wali pewinso a laro tampimu, pomperodomo ka penaa-naamo!

⁷ Sine, kana'umpe ta mokompenaa-naa? Kombake Ondae i Ue parentao? Lumako i Asikeloni ka i wiwi ntahi, i ra'aimo Dotenao!”