Yeremia 45 - Wunta Mempori

Pontarero tiano i Baruki 45:1-5

¹ Pau anu pinohaweno Nabi Yeremia ndi Baruki anano i Neria, tempono ta'u ko'opaa poparentaano i Yoyaki anano i Yosia, mokoledo to Yehuda, i Baruki burio pau a asa wunta, rumongeo inso a ngangano i Yeremia,

² ”Kanandiomo pau-Do i Ue, Ue Alado to Isaraeli, mongkona omue, hei Baruki!

³ Omue motae, ’Masola akumo, hangano Dotiangiomo i Ue masusaa a marasaiku! Ongkue mokendo hangano pompemasusaku ka nahi kupohawe rodoa.’

⁴ Pauakono: kanandiomo pau-Do i Ue: Menteeano, hapa anu winangu-Ku Aku betao, ka hapa anu pinaho-Ku Aku butao, maupo asa wawo wita!

⁵ Nde kana'umpe omue umungke ira anu langkai tiamu omuemu? Si ungkeo! Hangano, menteeano, Aku mompotii masolaa a luwuno anu tuwu, kanandiomo pau-Do i Ue, sine penaamu omuemu Aku dumagaio a luwuno po'ianga maupo ba isua ulako.”