Tegagia 5 - Wunta Mempori

Inuleno i Adama

¹ Ndiomo burino inuleno i Adama. I tempono mia Dopokogagio Ue Ala, onae Dopokogagiomo montonda rupa-Do Ue Ala;

² Dopokogagi ira tama ka beine. Doronso ira ka numeeako ira ”Mia” i tempono dopinokogagi.

³ Mansano i Adama tuwu asa etu ka tolu pulu nta'u, onae mohawe asa ana ntama anu mengkena kana rupano ka koroino, anu ineeakono i Seti.

⁴ Tinuwuno i Adama da halu etu nta'upo mbo'u, umarino pine'anaako i Seti; onae mbo'u mohawe orua ana ntama ka beine.

⁵ Gagi, tinuwuno i Adama hawe sio etu ka tolu pulu nta'u, ka i'amba mate.

⁶ Mansano tinuwuno i Seti asa etu ka olima nta'u, pine'anaako i Enosi.

⁷ I Seti da tuwu halu etu ka opitu nta'u mbo'u, umarino pine'anaako i Enosi, onae mbo'u mohawe ana ntama ka beine.

⁸ Gagi, tinuwuno i Seti hawe sio etu hopulu ka orua nta'u, ka i'amba mate.

⁹ Mansano tinuwuno i Enosi sio pulu nta'u, ipe'anaakono i Kenani.

¹⁰ I Enosi da tuwu halu etu ka hopulu ka olima nta'u mbo'u, umarino pine'anaako i Kenani; onae mohawe mbo'u ana ntama ka beine.

¹¹ Gagi, tinuwuno i Enosi, hawe sio etu ka olima nta'u, ka i'amba mate.

¹² Mansano tinuwuno i Kenani pitu pulu nta'u, pine'anaako i Mahalale'eli.

¹³ I Kenani da tuwu halu etu ka pato pulu nta'u mbo'u, umarino pine'anaako i Mahalale'eli; onae mbo'u mohawe ana ntama ka beine.

¹⁴ Gagi, tinuwuno i Kenani hawe sio etu ka hopulu nta'u, ka i'amba mate.

¹⁵ Mansano tinuwuno i Mahalale'eli nomo pulu ka olima nta'u, ipe'anaakono i Yaredi.

¹⁶ I Mahalale'eli da tuwu halu etu ka tolu pulu nta'u mbo'u, umarino pine'anaako i Yaredi, onae mohawe mbo'u ana ntama ka beine.

¹⁷ Gagi, tinuwuno i Mahalale'eli hawe halu etu sio pulu ka olima nta'u, ka i'amba mate.

¹⁸ Mansano tinuwuno i Yaredi asa etu nomo pulu ka orua nta'u, ipe'anaakono i Heno.

¹⁹ I Yaredi da tuwu halu etu nta'upo mbo'u, umarino pine'anaako i Heno; onae mohawe mbo'u ana ntama ka beine.

²⁰ Gagi, tinuwuno i Yaredi hawe sio etu nomo pulu ka orua nta'u, ka i'amba mate.

²¹ Mansano tinuwuno i Heno nomo pulu ka olima nta'u, ipe'anaakono i Metusala.

²² Pelempano tumuwuno i Heno momperorohi ndi Ondae Ue Ala i larono tolu etu nta'upo mbo'u, umarino pine'anaako i Metusala, onae mohawe mbo'u ana ntama ka beine.

²³ Gagi, tinuwuno i Heno hawe tolu etu nomo pulu ka olima nta'u.

²⁴ Pelempano tumuwuno i Heno momperorohi ndi Ondae Ue Ala, ka i'amba namikongko mbo'u, hangano Dotandeomo Ue Ala.

²⁵ Mansano tinuwuno i Metusala asa etu halu pulu ka opitu nta'u, ipe'anaakono i Lameki.

²⁶ I Metusala da tuwu pitu etu halu pulu ka orua nta'u, umarino pine'anaako i Lameki; onae mohawe mbo'u ana ntama ka beine.

²⁷ Gagi, tinuwuno i Metusala hawe sio etu nomo pulu ka osio nta'u, ka i'amba mate.

²⁸ Mansano tinuwuno i Lameki, asa etu halu pulu ka orua nta'u, ipe'anaako asa anano ntama,

²⁹ ka ineeakono i Noho, ipotae, ”Nana'ote andio ta moweeakita monongkoa a laro mpo'anggaato anu bukeako mapari i wita anu Dototonaaomo i Ue.”

³⁰ I Lameki da tuwu lima etu sio pulu ka olima nta'upo mbo'u umarino pine'anaako i Noho; onae mohawe mbo'u ana ntama ka beine.

³¹ Gagi, tinuwuno i Lameki hawe pitu etu pitu pulu ka opitu nta'u, ka i'amba mate.

³² Mansano tinuwuno i Noho lima etu nta'u, ipe'anaakono i Semu, i Hami ka i Yapeti.