Tegagia 46 - Wunta Mempori

I Yako melimba i Masiri

¹ Kanandiomo pelungkano i Isaraeli saru luwuno arataano ka ihawe i Bereseba. Ka i'amba mompesombaako pesomba sinumbele ndi Ondae Ue Alano i Saki, amano.

² Mepau Iramo Ue Ala ndi Isaraeli a laro pongkita tempono wongi, ”Yako, Yako!” Sangkino, ”Humbee, ndio aku!”

³ Ka Do'amba mepau, ”Ongkuemo Ue Ala, Ue Alano amamu. Siimo doito lako i Masiri, hangano Aku weweuko gagi tongku anu langkai i ra'ai.

⁴ Ongkue isa'a kumongkomiko lumako i Masiri ka Ongkue koa mbo'u anu wawako mekule. Kaeno i Yusupu anu ta piio matamu te'ipua.”

⁵ Ka i'amba i Yusupu melungka inso i Bereseba. Luwuno anano i Isaraeli wawao i Yako, amado, saru ana ka beinedo mompake kareta anu inoliwino i Pirao aiwa umalao.

⁶ Domewawa ira mbo'u pinotuwu ka arataado anu mehinawedo i wita Kana'a. Ka i'amba i Yako saru luwuno inuleno mehawe i Masiri.

⁷ Luwuno anano ka ana'ueno, moiko tama maupo beine, luwuno inuleno iwawao i Masiri.

⁸ Ndiomo needo inuleno i Isaraeli, i Yako saru inuleno anu aiwa i Masiri. Ana akano i Yako onaemo i Rube.

⁹ Luwuno anano i Rube onaemo i Heno, i Palu, i Heseroni ka i Karimi.

¹⁰ Luwuno anano i Simeo onaemo i Yemueli, i Yamini, i Ohadi, i Yakini ka i Sohari saru i Saulu, anano asa beine Kana'a.

¹¹ Luwuno anano i Lewi onaemo i Geresoni, i Kehati ka i Merari.

¹² Luwuno anano i Yehuda onaemo i Eri, i Onani, i Siela, i Peresi ka i Serahi. I Eri ka i Onani mate i wita Kana'a. Luwuno anano i Peresi onaemo i Heseroni ka i Hamuli.

¹³ Luwuno anano i Isakari onaemo i Tola, i Pua, i Ayubi ka i Simeroni.

¹⁴ Luwuno anano i Sebulo onaemo i Seredi, i Eloni ka i Yahale'eli.

¹⁵ Onaemo atuu luwuno ana ntamano i Lea, anano i Yako anu pine'anaako i Padana-Arami saru i Dina, anano anu beine. Luwuno tama ka beine, porokono tolu pulu ka otolu mia.

¹⁶ Luwuno anano i Gadi onaemo i Sipioni, i Hagi, i Siuni, i Aseboni, i Eri, i Arodi ka i Areli.

¹⁷ Luwuno anano i Asere onaemo i Yimina, i Yisiwa ka i Beria. Pepaekompodo beine i Serahi. Luwuno anano i Beria onaemo i Heberi ka i Malakieli.

¹⁸ Onaemo atuu inuleno i Silipa, ata beine anu iweeakono i Laba ndi Lea, anano beine. I Silipa me'anaako ira anano i Yako, luwuno hopulu ka onoo mia.

¹⁹ Luwuno anano i Raheli, beineno i Yako, onaemo i Yusupu ka i Benami.

²⁰ I wita Masiri, i Yusupu hinao anano i Manase ka i Eparai anu pine'anaakono i Asanati, ana beineno i Potipera, sando mpesomba i Oni.

²¹ Luwuno anano i Benami onaemo i Bela, i Bekeri, i Asibela, i Gera, i Na'ama, i Ehi, i Rosihi, i Mupimi, i Hupimi ka i Aredi.

²² Onaemo atuu inuleno i Raheli, anano i Yako anu pine'anaakono. Porokono hopulu ka opaa mia.

²³ Anano i Dani onaemo i Husimi.

²⁴ Luwuno anano i Napatali onaemo i Yahase'eli, i Guni, i Yeseri ka i Silemi.

²⁵ Onaemo atuu inuleno i Biliha, ata beine anu iweeakono i Laba ndi Raheli, anano beine. I Biliha me'anaako ira anano i Yako atuu, porokono opitu mia.

²⁶ Luwuno mia anu hawe i Masiri meronga i Yako, onaemo inuleno onaeno, porokono nomo pulu ka onoo mia, nahi tewinso kombiado ka luwuno anado.

²⁷ Luwuno anano i Yusupu anu hina i Masiri porokono orua mia. Gagi somborino i Yako anu hawe i Masiri, porokono pitu pulu mia.

²⁸ I Yako tumenao i Yehuda mese'elungio tepohaweakono i Yusupu, ka i'aiwa i Yusupu i Gose tepohaweakono amano. Ka i'amba mehawe iramo i wita Gose.

²⁹ Kontongaano atuu i Yusupu mompatinda karetano ka ilako i Gose, tepohaweakono i Isaraeli, amano. Mansano tepohaweakono amano, ikopuio amano ka ipengese tehine ntu'u a oweano.

³⁰ Motae i Isaraeli ndi Yusupu, ”Kanandio-andio moikoomo kumate, mansaku kumitao rupamu ka tumo'orio nine omue da tuwu.”

³¹ Ka i'amba i Yusupu motaeako ira pepaekompono ka luwuno somborino amano, ”Aku me'aro ndi Pirao ka pauakono: Luwuno pepaekompoku ka somborido amaku, anu mpo'ia i wita Kana'a, mehawe iramo ndi ongkue.

³² Luwuno mia atuu puu mpopakambi bawaano bembe bimba, hangano ondae mpopekaria pinotuwu. Ondae mpowawa bawaano bembe bimba ka sapi saru luwuno arataado.

³³ Tewala ipoboikomiu i Pirao ka mesikeno: Hapake po'anggaamiu?

³⁴ Omiu asalakono mesangki: Luwumami atamiu andio mpopekaria pinotuwu mompu'u kimengkodei hawe kanandio-andio, moiko omami maupo uempu'umami. Ba kanandio omiu moiko impo'ia i wita Gose.” Hangano luwuno puu mpopakambi bawaano bembe bimba onaemo asa anu minokoburuakodo to Masiri.