Tegagia 36 - Wunta Mempori

Inuleno i Esau

¹ Ndiomo inuleno i Esau, anu nineeako mbo'u i Edomi.

² I Esau umala ira beinedo to Kana'a gagi beineno: i Ada, anano i Eloni to Heti, ka i Oholibama, anano i Ana ka ana'ueno i Sibeoni to Hewi,

³ saru i Basama, anano i Sumaila, uaino i Nebaioti.

⁴ I Ada me'anaakono i Elipasi anano i Esau, i Basama me'anaakono i Rehueli,

⁵ ka i Oholibama me'anaakono i Yeusi, i Yaelami ka i Kora. Onaemo atuu luwuno anano i Esau anu pine'anaako i wita Kana'a.

⁶ I Esau wawa ira beineno, luwuno anano tama ka beine ka luwuno mia anu kongko i rahano, luwuno pinotuwuno ka luwuno arataano anu hinaweno i wita Kana'a, lumako i wita susua, mensua saru i Yako, uaino.

⁷ Hangano, arataado tedoa hadio ranta nahi dopokompe'asa mpo'ia, ka wita po'iangado nami te'ula hangano hadiono pinotuwudo.

⁸ Ka i'amba i Esau mo'iampiha i mentorukuno Seiri. I Esaumo atuu i Edomi.

⁹ Ndiomo inuleno i Esau, amado to Edomi, i mentorukuno Seiri.

¹⁰ Needo luwuno anano i Esau onaemo i Elipasi, anano i Ada beineno i Esau, ka i Rehueli, anano i Basama beineno i Esau.

¹¹ Luwuno anano i Elipasi onaemo i Temani, i Omara, i Sepo, i Gaetami ka i Kenasi.

¹² I Timina onaemo beineno mongurano i Elipasi anano i Esau. Onae me'anaakono i Amale anano i Elipasi. Ondaemo atuu ana'ueno i Ada beineno i Esau.

¹³ Ndiomo luwuno anano i Rehueli: i Nahati, i Serahi, i Siama ka i Misa. Onaemo atuu luwuno ana'ueno i Basama beineno i Esau.

¹⁴ Ndiomo luwuno anano i Oholibama, beineno i Esau atuu, anano i Ana ka ana'ueno i Sibeoni. Onae me'anaakono i Yeusi, i Yaelami ka i Kora.

¹⁵ Ndiomo luwuno petewawa suku inso a inuleno i Esau: inuleno i Elipasi ana akano i Esau, onaemo petewawado suku Temani, petewawado suku Omari, petewawado suku Sepo, petewawado suku Kenasi,

¹⁶ petewawado suku Kora, petewawado suku Gaetami ka petewawado suku Amale; onaemo atuu luwuno petewawado sukuno Elipasi i wita Edomi, inuleno i Ada.

¹⁷ Inuleno i Rehueli anano i Esau onaemo petewawado suku Nahati, petewawado suku Serahi, petewawado suku Siama ka petewawado suku Misa; onaemo atuu luwuno petewawado sukuno i Rehueli i wita Edomi, inuleno i Basama beineno i Esau.

¹⁸ Inuleno i Oholibama beineno i Esau onaemo petewawado suku Yeusi, petewawado suku Yaelami, petewawado suku Kora. Onaemo atuu luwuno petewawado sukuno i Oholibama, beineno i Esau, ana beineno i Ana.

¹⁹ Onaemo atuu inuleno i Esau, onaemo i Edomi, ka onaemo atuu luwuno petewawano sukudo.

Inuleno i Seiri

²⁰ Ndiomo luwuno anano i Seiri, to Hori, palilino wita atuu: i Lotani, i Siobali, i Sibeoni, i Ana,

²¹ i Disioni, i Eseri, i Disiani. Onaemo atuu luwuno petewawano sukudo to Hori, luwuno anano i Seiri i wita Edomi.

²² Luwuno anano i Lotani onaemo i Hori ka i Hemani, ka pepaekompono beine i Lotani onaemo i Timina.

²³ Ndiomo luwuno anano i Siobali: i Alawani, i Manahati, i Ebali, i Siepo ka i Onami.

²⁴ Ndiomo luwuno anano i Sibeoni: i Aia ka i Ana; i Ana onaemo anu humaweo ba opia mata uwoi mokula i pada one, tempono onae tekonai mompakambi kalideno i Sibeoni, amano atuu.

²⁵ Ndiomo luwuno anano i Ana: i Disioni ka i Oholibama ana beineno i Ana.

²⁶ Ndiomo luwuno anano i Disioni: i Hemadani, i Esibani, i Yitirani ka i Kerani.

²⁷ Ndiomo luwuno anano i Eseri: i Bilihani, i Sa'awani ka i Akani.

²⁸ Ndiomo luwuno anano i Disiani: i Usi ka i Arani.

²⁹ Onaemo atuu luwuno petewawano sukudo to Hori: petewawado suku Lotani, petewawado suku Siobali, petewawado suku Sibeoni, petewawado suku Ana,

³⁰ petewawado suku Disioni, petewawado suku Eseri ka petewawado suku Disiani. Onaemo atuu luwuno petewawano sukudo to Hori montonda pepe'etuado i wita Seiri.

Luwuno mokoledo to Edomi

³¹ Ndiomo luwuno mokole anu moparenta i wita Edomi, se'eluno napi hina te'asa mokole anu moparenta a nto Isaraeli.

³² I Bela anano i Beori gagi mokole i Edomi ka kotano meneeako Dinihaba.

³³ Mansano mate i Bela, i Yobabi anano i Serahi inso i Bosora gagi mokole umeuo.

³⁴ Mansano mate i Yoba, i Husiami inso i witado to Temani gagi mokole umeuo.

³⁵ Mansano mate i Husiami, i Hadadi anano i Bedadi gagi mokole umeuo. I Hadadimo anu numangi ira to Midia i wita Moabi, ka kotano meneeako Awiti.

³⁶ Mansano mate i Hadadi, i Samala inso i Masareka gagi mokole umeuo.

³⁷ Mansano mate i Samala, i Saulu inso i Rehobo i wiwi ngkorono gagi mokole umeuo.

³⁸ Mansano mate i Saulu, i Baala-Hanani anano i Akebori gagi mokole umeuo.

³⁹ Mansano mate i Baala-Hanani, i Hadari gagi mokole umeuo. Kotano meneeako Pahu ka beineno meneeako i Mehetabe'eli ana beineno i Materedi ana beineno i Mesahabi.

⁴⁰ Ndiomo needo luwuno petewawa sukuno i Esau montonda pepe'etuado ka po'iangado, saru needo asa mia ka asa mia: petewawado suku Timina, petewawado suku Aliwa, petewawado suku Yeteti,

⁴¹ petewawado suku Oholibama, petewawado suku Ela, petewawado suku Pinoni,

⁴² petewawado suku Kenasi, petewawado suku Temani, petewawado suku Mibisari,

⁴³ petewawado suku Magadieli ka petewawado suku Irami. Onaemo atuu luwuno petewawado sukuno i Edomi, montonda po'iangado i wita pine'uedo. I Esau atuu amado to Edomi.