Tegagia 10 - Wunta Mempori

Burino luwuno tongku inuleno i Semu, i Hami ka i Yapeti

¹ Ndiomo inuleno i Semu, i Hami ka i Yapeti, luwuno anano i Noho. Umarino lolowi, mempine'anaako iramo ana ntamado.

² Inuleno i Yapeti onaemo i Gomeri, i Magogi, i Madai, i Yawani, i Tubali, i Meseki ka i Tirasi.

³ Inuleno i Gomeri, onaemo i Asikenasi, i Ripati, ka i Togarima.

⁴ Inuleno i Yawani, onaemo i Elisa, i Tarasisi, to Kitimi ka to Rodanimi.

⁵ Insomo ndi ondae andio tesiarawo luwuno tongku i wiwi ntahi. Onaemo atuu inuleno i Yapeti, singge mia i witado saru paudo, montonda suku ka tongkudo.

⁶ Inuleno i Hami, onaemo i Kusi, i Misiraimi, i Puti, ka i Kana'a.

⁷ Inuleno i Kusi, onaemo i Seba, i Hawila, i Sabata, i Raema, ka i Sabeteka. Luwuno anano i Raema, onaemo i Sieba, ka i Dedani.

⁸ I Kusi, hinao anano, neeno i Nimirodi, Onaemo anu pabawa amba-ambano i tolino,

⁹ asa mia puu mpowemba anu mosia i aro-Do i Ue. Onaemo ka ipinau, ”Kana i Nimirodi, asa mia puu mpowemba anu mosia i aro-Do i Ue”

¹⁰ A pompu'uano poparentaano onaemo Babeli, Ereki, ka Akadi, luwuno i wita Sineari.

¹¹ Inso i wita atuu onae lumako i Asuri, ka i'amba wanguo Niniwe, Rehobo-Iri, Kalahi,

¹² ka Reseni i olono Niniwe ka Kalahi; onaemo atuu kota anu langkai.

¹³ Inuleno i Misiraimi onaemo to Ludimi, to Anamimi, to Lehabimi, to Napituhimi,

¹⁴ to Patirusimi, to Kasiluhimi ka to Kapitorimi. To Pelisiti, nte'inso ndi ondae.

¹⁵ Inuleno i Kana'a, onaemo i Sidoni, ana akano, ka i Heti,

¹⁶ saru to Yebusi, to Amori, ka to Girigasi,

¹⁷ to Hewi, to Araki, to Sini,

¹⁸ to Ariwadi, to Semari, ka to Hamati. Ka i'amba tesiarawoomo luwuno sukudo to Kana'a atuu.

¹⁹ Witado to Kana'a mompu'u inso i Sidoni te'aro i Gerari hawe i Gasa, te'aro i Sodomo, Gumora, Adima, ka Seboimi hawe i Lasa.

²⁰ Onaemo atuu inuleno i Hami montonda sukudo, montonda paudo, montonda witado, montonda tongkudo.

²¹ Mehina iramo mbo'u anano i Semu, uempu'udo luwuno inuleno i Eberi. I Semu atuu akano i Yapeti.

²² Inuleno i Semu onaemo i Elami, i Asuri, i Aripakasadi, i Ludi ka i Arami.

²³ Inuleno i Arami onaemo i Usi, i Huli, i Geteri ka i Masi.

²⁴ I Aripakasadi hinao anano, i Sela, ka i Sela hinao anano, i Eberi.

²⁵ Ndi Eberi pine'anaako orua ira ana ntama, neeno anu asa mia i Pelegi, hangano itempono tolino tetia-tia. Neeno uaino, onaemo i Yokatani.

²⁶ I Yokatani hinao anano: i Alimoda, i Selepi, i Hasari-Maweti ka i Yerahi,

²⁷ i Hadorami, i Usali, ka i Dikila,

²⁸ i Obala, i Abimaeli, ka i Sieba,

²⁹ i Opiri, i Hawila ka i Yobabi. Onaemo atuu luwu inuleno i Yokatani.

³⁰ Wita po'iangado inso i Mesa te'aro i Separi, mentorukuno te'alaako i sabaano oleo.

³¹ Onaemo atuu inuleno i Semu, montonda sukudo, montonda paudo, montonda witado, montonda tongkudo.

³² Onaemo atuu luwuno sukudo anano i Noho montonda inuledo, montonda tongkudo. Insomo ndi ondae atuu tesiarawo luwuno tongku i tolino umarino lolowi.