Puu Pontutulu 11 - Wunta Mempori

Ponto'ori mongkona anu ta gagi a laro ntumuwu 11:1-8

¹ Petadiakonomo rotimu a uwoi, asalakono kowali humaweo tehine umarino atuu.

² Weeako iramo tiado a opitu, maupo a oalu mia, hangano nahi kotumo'orio masolaa hapa anu ta gagi i wawontolino.

³ Tewala seru bukeako uwoi usa, asalakono usa atuu i'uwuo i wawontolino. Tewala keu tebangku i selata ke i utara, a ntedontaano keu atuu, i tu'aimo ipo'ia.

⁴ Isema anu wela mekokoongakono angi nahi ta morawo; isema anu wela mongkita seru nahi ta sumowi.

⁵ Kana'umpe nahi uto'orio peleluno angi ka wuku a laro mpe'anakaano asa beine anu mentia, kanatuu koa mbo'u nahi kotumo'orio po'angga-Do Ue Ala anu weweuo luwuakoano.

⁶ Tempono mo'oru rawoomo iniimu, ka ngkiniwia si po'ineeo kaemu menaa-naa, hangano nahi uto'orio onaeke andio ke atuu anu ta mewua, ke oruano pada moiko.

⁷ Mewine atuu mompokosanaa ka mongkita mata'oleo atuu moikono mata.

⁸ Onaemo pu'uno, tewala mia tuwu melai, po'ineeomo ipo'unde i larono. Sine, asalakono ipewowoloo luwuno oleo anu wongi-wongi, hangano hadio porokono. Luwuakoano anu hawe onaemo anu nahina tuduno.

Patudu tiado mia mongura

⁹ Po'undemo, hei mia mongura, a laro monguraamu, po'ineeomo ka imawongko aroamu i tempono umongura. Tondaomo po'eheno aroamu ka pongkitano matamu, sine to'oriomo nine hangano luwuno mongkona andio Ondae Ue Ala Ira wawako a mpebitaraa!

¹⁰ Tadiomo masusaa inso i aroamu ka poko'olaiomo marasaia inso a ngkoroimu, hangano monguraa ka wantano tumuwu onaemo anu nahina tuduno.