Po'unde-unde 98 - Wunta Mempori

Asa wawontolino umunde-unde Ira i Ue anu moleo 98:1-9

¹ Penani po'unde-unde. Penaniakomo penani wo'ohu tia-Do i Ue, hangano Doweweuomo luwuno wineweu anu kinohali-haliako; Ondae monangiako kae ngkoana-Do Ondae-Do, saru tokia anu mempori.

² Ondae i Ue Dopopoto'oriomo tekadudui-Do, Dopokomengkaaomo moleo-Do i arono matado luwuno tongku.

³ Dorambeo pompehohawa ka mentee-Do a nsuku Isaraeli, domengkitaomo luwuno tompano tolino tekadudui-Do Ue Alato.

⁴ Mengkokora-koramo temaroa tia-Do i Ue, hei asa wawontolino, impo'undemo, mengkokora-kora memawongko ka impenanimo mpo'unde-unde!

⁵ Impenanimo mpo'unde-undeako katapi tia-Do i Ue, saru katapi ka nani anu meroku,

⁶ saru napiri ka tawuwua anu meroku mengkokora-koramo temaroa i aro-Do i Ue, Ondae Mokole!

⁷ Po'ineeomo rurunduno tahi saru ihino, tolino saru luwuno anu mpo'ia i larono!

⁸ Po'ineeomo dompontopa luwuno korono, ka luwuno torukuno mperongaako mengkokora-kora mpo'unde

⁹ i aro-Do i Ue, hangano Ondae aiwa Ira bitarao tolino. Ira bitarao tolino a laro moleoa, ka luwuno tongku a laro menteea.