Po'unde-unde 93 - Wunta Mempori

Ondae i Ue mokole anu nahina tampula 93:1-5

¹ Ondaemo i Ue Mokole, Ondae mesangka marambaa, Ondae i Ue mesangka, meboo ntongaako roso. Mentee ntu'u tolino mentade, nahi ta telelu;

² kadera poparentaa-Miu mentade mompu'u i ndi'ipua, inso nahina tampulaano kongko-Komiu.

³ Mansolono moowo montandeomo, oo Ue, mansolono moowo montandeomo rurunduno, mansolono moowo tumandeo muuno perumpaino.

⁴ Sekonopo rurunduno uwoi anu langkai, sekonopo tepehano bomba anu tedoa langkai, langkai Irapo i Ue a mpo'ianga mantande.

⁵ Atora-Miu moroso ntu'u; a raha-Miumo ipo'ia Memporia, oo Ue, ranta nahina tampulaano.