Po'unde-unde 82 - Wunta Mempori

Ondae Ue Ala a laro nterisoa mempori 82:1-8

¹ Penani po'unde-undeno i Asapi. Ondae Ue Ala mentade a nterisoa suruga, i olodo pinesombai Ondae mobitara,

² ”Opia mbo'u tehineno impobitara saru pompokonsii ka mpe'alaako a mia mosa'o gauno? Sela

³ Temoleomo a mia mongkokolaro ka a nana'ote nahina amano, pe'alakonomo tiado mia marasai ka makura!

⁴ Potola iramo mia marasai ka mongkokolaro, potola iramo inso a ngkaeno mia mosa'o gauno!”

⁵ Nahi domento'orio ka nahi domponto'ori hapa-hapa, a laro wongi-wongi dompelempa; leluomo luwuno laro wita.

⁶ Ongkue isa'a mepau Akumo, ”Lano omiu pinesombai, ka luwumiu ana-Do Anu Tedoa Mantande,

⁷ sine kana mia komiu memate ka kana sompo anu pabawa komiu ntedonta.”

⁸ Ipewangumo oo Ue Ala, bitaraomo tolino, hangano Omiumo anu me'ueo luwuno tongku.