Po'unde-unde 76 - Wunta Mempori

Ondae Ue Ala bitarao luwuno tongku 76:1-13

¹ Tiano petewawado anu mpenani. Saru tinondaako katapi. Penani po'unde-undeno i Asapi. Penani.

² Ondae Ue Ala mepopoto'ori i Yehuda, nee-Do teto'ori i Isaraeli!

³ I Salemi hinaomo laika-Do, ka po'ianga-Do i Sioni!

⁴ I ra'aimo Dopuduo pana anu mengkoliki, kanta, ponai, ka kansai.

⁵ Mewanta Komiu, lalu maramba sekonopo mentorukuno buke wembaa.

⁶ Mia anu memosia mempinomuru iramo, merodo ira a laro mpoturido, ka luwuno mia anu moroso ka mosia tetadi rosodo.

⁷ Hangano te'ise-Miu, oo Ue Alano i Yako, tekoturi rodo anu mesawi maupo ngarano.

⁸ Mongkokongiri Komiu! Isemake anu polio mentade i aro-Miu tempono Itekuda?

⁹ Inso i langi Ipoporongeo pomputusi-Miu; tolino doito ka tekonto,

¹⁰ i tempono Dopentade Ue Ala Ira mobitara, ka kumadudui ira luwuno anu tepokonsii i tolino. Sela

¹¹ Menteeano mokulano aroano mia ta mepokule gagi umakui Komiu, ka toreano mokula aroa atuu Komiu umontoo.

¹² Pontangamo ka owahiomo tinangamu atuu ndi Ondae i Ue, Ue Alamu! Po'ineeomo luwuno anu tumonda Ira pompowee pesomba ndi Ondae anu dinoitoako.

¹³ Dopokomolema ira petewawa, Ondae domemokokongiriakono luwuno mokole i tolino.