Po'unde-unde 75 - Wunta Mempori

Ondae Ue Ala, Puu Mpobitara anu moleo 75:1-11

¹ Tiano petewawado anu mpenani. Montonda nanino Si Poropu. Penani po'unde-undeno i Asapi. Penani.

² Mpo'unde-unde kami ndi Omiu, oo Ue Ala, mpo'unde-unde kami, hangano nee-Miu umpeda, luwuno wineweu-Miu anu kinohali-haliako tumutuluo.

³ ”Tewala Kupakosio tempono, Ongkue isa'a ta bitaraakono menteea.

⁴ Tolino ka luwuno palilino mpondidi-ndidi; sine Ongkuemo anu mokoroso ira karuno.” Sela

⁵ Kupotaeako ira anu melaba mpau, ”Si melaba mpau.” Ka a mia mosa'o gaudo, ”Si mara mpetandu!

⁶ Si temantande tandeo tandumu, si pepau saru me'ia we'u!”

⁷ Hangano komba inso i sabaano oleo ke inso i sumooano oleo ka komba inso i pada one haweno pokomantandeno pontudu atuu,

⁸ Hangano Ondaemo Ue Ala Puu Mpobitara: anu asa Dototoakono ka anu susua Dotandeo.

⁹ Hangano asa piala kongko a ngkae-Do i Ue, me'ihi anggoro mewure, buke rampa sinalo; anggoro atuu Dotawaako ira luwuno mia mosa'o gaudo i tolino ka dome'inuo ka me'osoo hawe saru upeno.

¹⁰ Sine aku kokora-kora anu nahina tampulaano, aku umunde-unde Ira Ue Alano i Yako,

¹¹ anu mepau, ”Luwuno tandudo mia mosa'o gaudo Aku puduo, sine luwuno tandu rosodo mia mentee ta pinokomantande.”