Po'unde-unde 6 - Wunta Mempori

Pekakai a laro pompemasusaa 6:1-11

¹ Tiano petewawado anu mpenani. Saru pemaeno katapi. Montonda unino penani Anu Ko'oalu. Penani po'unde-undeno i Daudi.

² Oo Ue, Siimo Ihuku aku a laro mosa'ono aroa-Miu, ka siimo Itunduhi aku a laro tensilano tekuda-Miu.

³ Ipehohawa akumo, Ue, hangano marasai aku; Ipokotompa akumo, Ue, hangano luwuno wukuku mpondidi-ndidi,

⁴ ka sumangaku mbo'u tedoa tededengke; sine Omiu, Ue, opiapo mbo'u tehineno?

⁵ Ipepokulemo Ue, Ipotolaomo sumangaku, Ikadudui akumo hangano pompehohawa-Miu.

⁶ Hangano a mpo'iangado mia mate nahi domerambe Komiu mia; isemake anu ta umunde-unde-Komiu a ntolinodo mia mate?

⁷ Telusa aku hangano mompemasusa; sompo wongi ku'uwoi poturiaku, dasaku moowoako uwoi mataku.

⁸ Mataku mowewu hangano mahaki aroa, merawu-rawu hangano luwuno iwaliku.

⁹ Impolaimo inso ndi ongkue, luwumiu anu mpoweweu mosa'o, hangano Dorongeomo i Ue pengeseku;

¹⁰ Dorongeomo i Ue po'emaku, Ondae i Ue tumarimao pekakaiku.

¹¹ Luwuno iwaliku mpohawe mokoko'ii ka tedoa ntededengke; ondae mposuka ka mpohawe mokoko'ii i larono asa mpiniro.