Po'unde-unde 54 - Wunta Mempori

Pekakai i larono mo'aropi iwali 54:1-9

¹ Tiano petewawado anu mpenani. Saru pemaeno katapi. Penani pompaguruno i Daudi,

² tempono to Sipi aiwa pauo ndi Saulu, ”I Daudi mewuni ndi omami.”

³ Oo Ue Ala, Ikadudui aku hangano nee-Miu, Ipowee akumo moleoa hangano moroso-Miu!

⁴ Oo Ue Ala, Irongeomo pekakaiku, Ita'oomo biri-Miu a mpinauno ngangaku!

⁵ Hangano mia mehawe mpentade sumapoi aku, mia anu melambaha mpomporaakono penaaku; nahi domperio Ira Ue Ala. Sela

⁶ Menteeano, Ondaemo Ue Ala pontulungiku; Ondaemo i Ue pokorosono tuwuku.

⁷ Po'ineeomo mosa'oa atuu mepokule a luwuno iwaliku; pepate iramo hangano petenunu-Mu!

⁸ A nsanaano aroa aku mompesombaako pesomba ndi Omiu, umunde-undeo nee-Miu hangano moiko Komiu, oo Ue.

⁹ Hangano Dopotola aku inso a luwuno ma'isoa, ka mataku me'uru-uruo iwaliku.