Po'unde-unde 52 - Wunta Mempori

Pohuku a mia mosa'o gauno 52:1-11

¹ Tiano petewawado anu mpenani. Penani pompaguruno i Daudi,

² tempono i Do'egi, to Edomi, aiwa pauakono i Saulu nine i Daudi haweomo a rahano i Abimele.

³ Tembio ka impompelangka-langkaiako mpiha mosa'oa, hei puu mpetea, a mia anu pinehohawa-Do Ue Ala? Pompehohawa-Do Ue Ala anu nahi bali kupembasaio hawe sumoo oleo.

⁴ Omue montooako ponsolangia, elomu kana piso pongkeru anu inaha, hei omue, anu mompopo'oo!

⁵ Omue kumekewoio anu mosa'o laluaopo sekono anu moiko, ka pegaupi sekonopo pau anu mentee. Sela

⁶ Omue kumekewoio luwuno pau anu mompokomarisu, hei elo anu mompopo'oo!

⁷ Sine Ondae Ue Ala Ira mobangkuko kolakomu, Ira rumakoko ka padiiko inso a laro ngkema, butako inso i tolino. Sela

⁸ Ka mia mentee ntededengke, ka do'amba mpengingisiio,

⁹ ”Ndiomo mia anu nahi pokogagi Ira Ue Ala pepekaduduiano, butu mehonda a ngkaeano anu hadio ntu'u, ka mepekadudui a ponsolangino!”

¹⁰ Sine ongkue andio kana keu saitu anu mololowulu a laro Raha-Do Ue Ala; kupe'ala-alao mpiha pompehohawa-Do Ue Ala anu nahi bali ka nahina tampulaano.

¹¹ Aku umunde-unde Komiu ranta nahina tampulaano, hangano moweweu Komiumo; momperorohi aku a nee-Miu hangano moiko Komiu i arodo mia anu pinehohawa-Miu!