Po'unde-unde 46 - Wunta Mempori

Ondae Ue Ala, kota benteto 46:1-12

¹ Tiano petewawa anu mpenani. Inso a inuleno i Kora. Saru nanino Alamoti. Penani.

² Ondae Ue Ala atuu ndi ontae pepekaduduia ka roso, gagi pontulungi a laro ma'isoa tedoa mengkaa.

³ Onaemo pu'uno nahi kita medoito, maupo tolino melelu-lelu, maupo luwuno torukuno reensu a laro ntahi;

⁴ maupo mowo langkai ka mewure uwoino, maupo luwuno torukuno leelu hangano pebundeno. Sela

⁵ Hinao asa korono, luwuno waaano mokonsanaao kota-Do Ue Ala, po'ianga mempori-Do Anu Tedoa Mempori.

⁶ Ondae Ue Ala kongko Ira i larono, kota atuu nahi ta reensu; Ondae Ue Ala Ira tumulungio umpeda meene.

⁷ Luwuno tongku mpohohoi, luwuno poparentaa telelu. Dopoporongeo suara-Do, ka tolino mondidi-ndidi.

⁸ Ondae Ue Alano luwuakoano kumongkomi kita, kota benteto Ondaemo Ue Alano i Yako. Sela

⁹ Lakomo, kitaomo inangga-Do i Ue, anu weweuo poropua i tolino,

¹⁰ anu mokompenaa-naao peteaa hawe i tompano tolino, anu puduo wo'eno pana, mokobondao kansai, anu sumongko ira kareta mpetea!

¹¹ ”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

¹² Ondae Ue no luwuakoano kumongkomi kita, kota benteto Ondaemo Ue Alano i Yako. Sela