Po'unde-unde 43 - Wunta Mempori

¹ Ipowee akumo moleoa, oo Ue Ala, ka Ikorahakonomo kara-karaku a nsuku anu nahi moleo! Ipotola akumo inso a anu mompopo'oo ka mia molengku!

² Hangano Omiumo Ue Ala peliahakoaku. Tembio ka Itadi aku? Tembio asalakono ka kutuwu mompemasusa i totono pabawano iwali?

³ I'oliwiomo mewine-Miu ka pokongkomi-Miu ka kutinaate ka winawa a ntorukuno-Miu anu mempori ka a mpo'ianga-Miu!

⁴ Ka aku lumako a meda pontunua pesomba ndi Ondae Ue Ala, me'aro ndi Ondae Ue Ala, anu onaemo po'undeku ka mawongkoku, ka umunde-undea-Komiu katapi, oo Ue Ala, oo Ue Alaku!

⁵ Tembio ka upompemapari, hei sumangaku, ka tembio ka udanggara a laro ngkoroiku? Pomperorohimo ndi Ondae Ue Ala! Hangano aku umunde-unde Ira mbo'u, anu tumulungi aku ka Ue Alaku!