Po'unde-unde 41 - Wunta Mempori

Pekakai mo'ema pompokotompa 41:1-14

¹ Tiano petewawado anu mpenani. Penani po'unde-undeno i Daudi.

² Me'uraomo mia anu merioo mia molema! Ondae i Ue Ira motolao a oleo masola.

³ Ondae i Ue Ira kumaduduio ka mekariao penaano, onaemo ka ipinau me'ura i tolino; nahi Komiu mo'ineeo ipineweengako a iwali!

⁴ Ondae i Ue tumulungio tempono itepombole mahaki; Ipokotompaomo ntu'u inso a dasa mahakiano.

⁵ Kupotae, ”Ue, Ipehohawa akumo, Ipokotompa akumo, hangano ndi Omiumo kutehala!”

⁶ Iwaliku mpopau anu mosa'o mongkona ongkue, ”Te'ipia imate, ranta ka itampula neeno?”

⁷ Mia anu mengkita, mompau pegaupi; aroano mohowu mosa'oa, ka i'amba meluarako popauo a nsala.

⁸ Luwuno mia anu umo'aliaakune mpetanga-tanga mongkona ongkue, ntepo'asa mposongka anu mosa'o ndi ongkue,

⁹ ”I'aluomo haki mompepate, pohona mepombole, onae nahi ta mewangu mbo'u.”

¹⁰ Maupo sambe'e morosoku anu kupe'ala-alao, anu eheano me'asa mpongkaa saru ongkue, lumako binta aku.

¹¹ Sine Omiu, oo Ue, Ipehohawa akumo ka Ipokoroso aku, ka kupombalo ndi ondae.

¹² Hangano kanandio kuto, orio, nine Ipemoiko aku, tewala iwaliku nahi dompeboolikiakune.

¹³ Sine Omiu tumumbo aku hangano moleono aroaku, Omiu mokoroso aku i aro-Miu ranta nahina tampulaano.

¹⁴ Inunde-unde Iramo i Ue, Ue Alado to Isaraeli, inso i ndi'ipuaako hawe nahina tampulaano! Ami, oo ami.