Po'unde-unde 32 - Wunta Mempori

Me'urano mia anu inampuni halano

¹ Inso ndi Daudi. Penani pompaguru. Me'uraomo mia anu inampuni polimpa'ino, anu halano tinutuwi!

² Me'uraomo mia, anu salano nahi Dopototoio i Ue, ka anu nahi pe'aroa mompopo'oo!

³ I larono kupenoro-noro, luwuno wukuku gagi telusa hangano mompemasusa aku te'asa oleo;

⁴ hangano meene wongi kae-Miu dumanso aku mobea, rosoku molema, kana rinaramiako mokulano tempo motu'i-tu'i. Sela

⁵ Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

⁶ Onaemo pu'uno, moikoopo sompo mia moleo mekakai ndi Omiu, i tempono ma'isoa, menteeano tempono igagi mowo langkai, mowo atuu nahi ta umaluo.

⁷ Omiumo pewuniaku, a ma'isoa Omiu dumagai aku, Omiu lumimbu aku, ranta kakutola ka mebooli. Sela

⁸ Aku paguruko ka tumisoakomu pesalaa anu asalakono ka utondao; Aku moweeakomu patudu, mata-Ku te'aro ndi omue.

⁹ Si kana ngara ke bagali anu nahina akalano, anu asalakono inatoraako koloro ka sama, tewala naahi, onae nahi ta umpedaakomu.

¹⁰ Hadio pompemahaki pinemarasaino mia mosa'o gauno, sine mia anu mompe'ala-ala ndi Ondae i Ue ta lumimbuo pompehohawa anu nahi bali.

¹¹ Imemawongkomo ndi Ondae i Ue ka impeboo-boolimo, hei luwuno mia mentee; imengkokora-koramo memawongko, hei luwuno mia anu moleo aroano!