Po'unde-unde 3 - Wunta Mempori

Penani mo'oru i larono mo'aropi iwali 3:1-9

¹ Penani po'unde-undeno i Daudi, tempono ipolai inso ndi Abisalo, anano.

² Oo Ue, hadio ntu'u iwaliku! Hadio mia mentade sumapoi aku;

³ hadio mia mepau mongkona ongkue. ”Montonda onae nahina pontulingi inso ndi Ondae Ue Ala.” Sela

⁴ Sine Omiu, Ue, onaemo kanta anu kumadudui aku, Omiumo marambaku ka anu tumandeo uluku.

⁵ Saru meroku mebooli aku ndi Ondae i Ue, ka Dosangki aku inso a ntorukuno-Do anu mempori. Sela

⁶ Mepombole aku, ka ku'amba tekoturi; mewangu aku, hangano Ondae i Ue tumumbo aku!

⁷ Nahi kudoito a pulu nsowuno mia anu kumadu aku inso a luwuno siuno.

⁸ Ipentademo, Ue, Itulungi akumo, oo Ue Alaku! Oo, Itunduhiomo asedo luwuno iwaliku, ka puduo ngisido mia mosa'o gauno.

⁹ Inso ndi Ondae i Ue hawe pontulungiku. Poronso-Miu po'ineeomo ka ipetii a bawaa-Miu! Sela