Po'unde-unde 29 - Wunta Mempori

Langkaino pabawa-Do Ue Ala a laro angi mokora 29:1-11

¹ Penani po'unde-undeno i Daudi. Ndi Ondae i Ue, hei anu mpo'ia i suruga, weeako Iramo i Ue marambaa ka pabawa!

² Weeako Iramo i Ue marambano nee-Do, impenggolontumo mpesomba ndi Ondae i Ue a laro mewantano mempori-Do!

³ Suara-Do i Ue a wawo uwoi anu i langi, Ondae Ue Ala anu maramba merundu, Ondae i Ue a wawo uwoi anu langkai.

⁴ Suara-Do i Ue bukeako roso, suara-Do i Ue bukeako wanta.

⁵ Suara-Do i Ue puduo keu arasi, tendeano Ondae i Ue mobangkuo keu arasino Libano.

⁶ Ondae weweuo torukuno Libano melonso-lonso kana anano sapi, ka torukuno Sirioni kana anano bante.

⁷ Suara-Do i Ue mewurosiako langano api.

⁸ Suara-Do i Ue weweuo pada one mondidi-ndidi, Ondae i Ue weweuo pada one Kadesi mondidi-ndidi.

⁹ Suara-Do i Ue weweuo rusa waino anu mentia me'ana, maupo tobu ilondahio; tekonai a laro raha-Do sompo mia mebooli, ”Pelangkai Iramo i Ue!”

¹⁰ Ondae i Ue mo'ia a wawo uwoi mowo, Ondae i Ue mo'ia gagi Mokole ranta nahina tampulaano.

¹¹ Po'ineeomo Ondae i Ue ka Dopoweeako ira roso a bawaa-Do, po'ineeomo Ondae i Ue ka Doronso ira bawaa-Do rodoa ka manangai!