Po'unde-unde 28 - Wunta Mempori

Ondae i Ue , kantaku 28:1-9

¹ Inso ndi Daudi. Ndi Omiu, oo Ue, kupebooli, torukuno watuku, si po'inee aku, hangano, tewala Omiu komino mpiha ndi ongkue, gagi aku kana mia metii a laro ngkaburu.

² Irongeomo po'emaku, mebooli aku mepetulungi ndi Omiu, ka tumandeo kaeku te'aro a mpo'ianga-Miu anu tedoa mempori.

³ Siimo Irende aku meronga mia mosa'o gauno ke maupo saru mia anu moweweu mosa'o, anu mauru saru wali-walino, sine aroano buke anu mosa'o.

⁴ Ihuku iramo montonda wineweudo ka montonda peleludo anu mosa'o; Ihuku iramo menunu saru wineweuno kaedo, Isuloako iramo hapa anu wineweudo.

⁵ Hangano nahi domperioo inangga-Do i Ue ka wineweuno kae-Do; Ira mobangku ira ka nahi ira mempinontade mbo'u.

⁶ Inunde-unde Iramo i Ue, hangano Dorongeomo po'emaku.

⁷ Ondaemo i Ue rosoku ka kantaku; ndi Ondae aroaku mompe'ala-ala ka ongkue tetulungi. Onaemo pu'uno, ka imawongko aroaku ka umunde-unde Ira saru menani.

⁸ Ondaemo i Ue rosono bawaa-Do ka bente tekaduduiado mia anu inurapi-Do!

⁹ Po'ineeomo ka Ikadudui ira bawaa-Miu ka Ironso iramo mia-Miu, Ipakambi iramo ka Ipokowali iramo ranta nahina tampulaano.