Po'unde-unde 24 - Wunta Mempori

Hawe-Do Mokole Marambaa a laro Raha-Do Ue Ala 24:1-10

¹ Penani po'unde-undeno i Daudi. Ondaemo i Ue anu me'ueo tolino saru luwuno ihino, saru luwuno anu mo'ia i larono.

² Hangano Ondaemo anu numaao a wawo ntahi malua ka anu montadeo a wawo luwuno korono.

³ ”Isemake anu moiko ipewuatako a wawo ntorukuno-Do i Ue? Isemake anu moiko ipentade a mpo'ianga-Do anu mempori?”

⁴ ”Mia anu morina kaeno ka molino aroano, anu nahi peweengakono koroino a pompopo'oo, ka anu nahi pesumpa megaupi.

⁵ Onaemo anu ta montarima ronso inso ndi Ondae i Ue ka moleoa inso ndi Ondae Ue Ala Puu pongkadudui.

⁶ Ndiomo bawaano mia anu mesikenoako Ira, anu umungkeo rupa-Miu, oo Ue Alano i Yako.” Sela

⁷ Tandeomo ulumu, hei luwuno pewowa langkai, ka intetandemo, hei luwuno pewowa anu mapa'etu-etu nta'u, ka Dopewinso Mokole Marambaa!

⁸ ”Isemake Mokole Marambaa atuu?” ”Ondae i Ue, anu moroso ka mosia, Ondae i Ue, moroso a laro mpeteaa!”

⁹ Tandeomo ulumu, hei luwuno pewowa langkai, ka intetandemo, hei luwuno pewowa anu mapa'etu-etu nta'u, ka Dopewinso Mokole Marambaa!

¹⁰ ”Isemake Ondae, Mokole Marambaa atuu?” ”Ondae Ueno luwuakoano, Ondaemo Mokole Marambaa!” Sela