Po'unde-unde 2 - Wunta Mempori

Mokole anu inurapi-Do i Ue 2:1-12

¹ Tembio ka domemarisu luwuno tongku, tembio luwuno suku tongku ka domposongka tepo'asaa anu nahina tuduno?

² Luwuno mokole ntolino mpepatinda ka luwuno anu langkai potorono ntepo'asa umewai Ira i Ue ka anu inurapi-Do,

³ ”Aiwamo tome'otuhio luwuno pompongudo ka tumadi ira kolorodo inso ndi ontae!”

⁴ Ondae, anu mo'ia i suruga, mengingisi; Ondae i Ue mopodeu-deu ira.

⁵ Ka Do'amba mepau ndi ondae a laro ntekuda-Do ka a laro mokulano mosa'ono aroa-Do Dopokontewuka ira,

⁶ ”Ongkuemo anu motoroo mokole-Ku i Sioni, torukuno-Ku anu mempori!”

⁷ Akumo paleleo pompakosi-Do i Ue; Dopotae ndi ongkue, ”Omuemo ana-Ku! A oleo andio omue Kupokomengkaako gagi ana.

⁸ Po'emamo ndi Ongkue, ka luwuno tongku Aku weeakomu gagi tia pusakamu, ka tompano tolino gagi omue me'ueo.

⁹ Ondae Komiu puroako ira Tarasulu labu, peha ira kana kuro wita wineweuno puu poweweu koro.”

¹⁰ Onaemo pu'uno, hei luwuno mokole, impoweweumo a laro pontimbanga anu mentee, tarimaomo pompaguru, hei luwuno puu mpobitara tolino!

¹¹ Pekakaako Iramo i Ue saru doito ka mawongkomo saru pondindi-ndidi,

¹² Woo-wooomo nana'ote! Ka si mansa Dotekuda ka imemate a nsala, hangano moruana ntu'u itensila tekuda-Do. Me'uraomo luwuno mia anu mepekadudui ndi Ondae!