Po'unde-unde 149 - Wunta Mempori

Penani ponangido to Isaraeli 149:1-9

¹ Haleluya! Penaniakonomo penani wo'ohu tia-Do i Ue! Unde-unde Iramo a laro bawaado mia moleo.

² Po'ineeomo to Isaraeli domemawongkoakono anu mokogagi ira, po'ineeomo nana'oteno Sioni domengkokora-koraakono mokoledo!

³ Po'ineeomo dome'unde-undeo nee-Do saru mpo'ense-ense, po'ineeomo dompenani umunde-undeako Ira rebana ka katapi!

⁴ Hangano Ondae i Ue memoiko ira bawaa-Do, mia anu me'urumako Doramba-ramba uluakono tekaduduia.

⁵ Po'ineeomo mia moleo ka ipesana-sanaa a laro marambaa, po'ineeomo domengkokora-kora memawongko a wawo mpoturiado!

⁶ Po'ineeomo dompelangkai Ira Ue Ala saru mpebooli meroku, ka saru ponai memata orua a ngkaedo,

⁷ ka dompombalo a luwuno tongku, pohukua a luwuno suku tongku,

⁸ ka domemponguakono rante luwuno mokoledo, ka saru koloro labu luwuno ulea mokoledo,

⁹ ka dohuku ira kana anu teburi. Onaemo atuu pelangkaido luwuno mia anu pinehohawa-Do! Haleluya!